Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

قازاقستاندىقتار ءبىر كۇندە ەڭ كەمى 2,2 دوللار جۇمسايدى

2022 jyldyń 27 mamyr 2022 17:30

نۇر- سۇلتان. قازاقپارات - قازاقستاندىقتار ءبىر كۇندە ەڭ كەمى 2,2-2,5 دوللار جۇمسايدى. ۇلتتىق بانكتىڭ قازىرگى باعامى بويىنشا بۇل سوما 928-1055 تەڭگە شاماسىندا، دەپ حابارلايدى قازاقپارات ءتىلشىسى.

«ەڭ كەدەي ەلدەر ءوز حالقى ءۇشىن كەمىندە كۇنىنە 1 دوللارعا ءومىر ءسۇرۋدى قامتاماسىز ەتۋگە تىرىسادى، دامۋشى ەلدەر - كۇنىنە 1,9 دوللار، ودان كەيىن - كۇنىنە 2,5 دوللارعا ۇمتىلادى، دامىعان مەملەكەتتەردە كۇنىنە 5,5 دوللار جۇمسالادى. ءبىز دامۋشى ەلمىز، سوندىقتان ەكونوميكالىق جاعداي بىزگە ساتىپ الۋ قابىلەتىنىڭ پاريتەتى بويىنشا كۇنىنە 2,2-2,5 دوللار جۇمساۋعا مۇمكىندىك بەرەدى. بۇل حالىقارالىق ستاندارت نورمالارىنا سايكەس كەلەدى»، - دەدى ق ر ەڭبەك جانە حالىقتى الەۋمەتتىك قورعاۋ مينيسترلىگى الەۋمەتتىك كومەك دەپارتامەنتىنىڭ ديرەكتورى اسقار نيازوۆ ورتالىق كوممۋنيكاتسيالار قىزمەتىندە.

ونىڭ ايتۋىنشا، 2020 -جىلى اتاۋلى الەۋمەتتىك كومەك العان 47 مىڭ وتباسى، ال 2021 -جىلى 51 مىڭ وتباسى كەدەيلىك جاعدايىنان شىققان. 2020 -جىلى جالپى سوماسى 65,6 ميلليارد تەڭگەگە ا ا ك تولەنگەن. بۇل رەتتە رەسپۋبليكالىق بيۋدجەتتەن 57,5 ميلليارد تەڭگە، جەرگىلىكتى بيۋدجەتتەن 8,1 ميلليارد تەڭگە قاراستىرىلعان. 1-مامىرداعى جاعداي بويىنشا ا ا ك 111,4 مىڭ وتباسى نەمەسە 571,1 مىڭ ادام الدى. سونداي- اق ا. نيازوۆ قازاقستانداعى كەدەيلىك شەگى ەلدىڭ ەكونوميكالىق مۇمكىندىكتەرى بويىنشا بەكىتىلەتىنىن ءتۇسىندىردى. ول بەلسەندىلىكتىڭ الەۋەتىن تومەندەتۋگە ەمەس، ارتتىرۋعا مۇمكىندىك بەرەتىن شەكتە بەكىتىلگەن.

«2019 -جىلى جاردەماقى مولشەرى وسكەن كەزدە ءساتسىز تاجىريبەنى باستان وتكەردىك. سالدارىنان ادامدار جاردەماقى الۋ ءۇشىن تابىستارىن جاسىرا باستادى، جۇمىستان شىقتى، اجىراستى. ياعني ا ا ك الۋ ءۇشىن جالعان اجىراسۋدى كورسەتكىلەرى كەلدى . مۇنداي فاكتىلەر كوپ بولدى. ا ا ك دەڭگەيى ءومىر سۇرۋگە قولايلى جانە الەۋەتتى ارتتىرۋعا ىقپال ەتۋى ءتيىس. سوندىقتان بۇل كومەكتى شارتتى جانە شارتسىز تۇرگە بولۋگە تۋرا كەلدى. شارت بويىنشا - ءبىز مەملەكەت رەتىندە ادامدى جۇمىسقا ورنالاستىرۋ جونىندە مىندەتتەمە الامىز، ەگەر ول باس تارتسا، كەدەيلىكتەن شىعۋعا مۇددەلى بولماسا، ۇيدە وتىرعىسى كەلسە جانە تەك جاردەماقى الاتىن بولسا، مۇنداي ادامعا ا ا ك تاعايىندالمايدى»، - دەدى اسقار نيازوۆ.

اۆتور: ايجان سەرىكجان قىزى

Basty sózder: قوعام,
Joǵary qaraı