Aýa raıy
Astana -10 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

2 jeltoqsan. QazAqparat kúntizbesi

2020 jyldyń 2 jeltoqsan 2020 07:00

NUR-SULTAN. QazAqparat - QazAqparat oqyrmandaryna 2020 jylǵy 2 jeltoqsanǵa arnalǵan kúntizbesin usynady.

ATAÝLY KÚNDER

Halyqaralyq quldyqty joıý úshin kúres kúni

BUU Bas Assambleıasynyń sheshimimen atap ótiledi. 1949 jylǵy 2 jeltoqsanda BUU BA 4-sessııasy adam satý jáne jezókshelikke paıdalanýǵa qarsy kúres týraly konventsııa qabyldady.

ESTE QALAR OQIǴALAR

1992 jyly Máskeýde Halyqaralyq ınjenerlik akademııanyń jalpy jınalysy ótip, onda Qazaqstan Respýblıkasynyń Prezıdenti Nursultan Nazarbaev atalǵan akademııanyń akademıgi bolyp saılandy.

2006 jyly bitimgershilik batalonynyń bazasynda (Kazbat) qazaqstandyq bitimgershilik brıgada (Qazbrıg) quryldy. Atalmysh ásker seriktes eldermen birge halyqaralyq deńgeıdegi beıbitshilik pen qaýipsizdikti qamtamasyz etýmen aınalysady.

2008 jyly Astanada Mádenıet pen dinderdiń halyqaralyq ortalyǵy ashyldy. Ortalyq Qazaqstan Respýblıkasynyń Prezıdenti N.Nazarbaevtyń Álemdik dástúrli dinder kóshbasshylarynyń ІІ sezinde kótergen bastamasymen quryldy.

2009 jyly Qaraǵandyda órt qurbany bolǵan órt sóndirýshilerge eskertkish ashyldy. Eskertkish «Órt sóndirý jáne apattyq-qutqarý jumystary qyzmeti» memlekettik mekemesi úıiniń janynda ornatyldy. Ol oblys tótenshe jaǵdaılar departamentiniń jáne onyń bólimsheleri qyzmetkerleriniń erikti qaıyrymdylyq qarajatyna salyndy.

2011 jyly Tashkentte Qazaqstan prezıdenti Nursultan Nazarbaevtyń «Qazaqstandyq jol» atty kitaby ózbek tilinde shyqty. Onda Qazaqstannyń jańa tarıhynyń eń kúrdeli ári eń jarqyn sátteri týraly baıandalǵan.

2011 jyly Bakýde TMD-ǵa qatysýshy memleketterdiń IV halyqaralyq bank konferentsııasy aıasynda «Investıtsııalyq Perishte» halyqaralyq ınvestıtsııalyq syılyǵymen marapattaý rásimi ótti. «TMD-nyń eń serpindi damyǵan sýbektisi» atalymynda TMD memleketteri arasyndaǵy keıingi 15 jyldaǵy tikeleı sheteldik ınvestıtsııaar aǵyny boıynsha kóshbasshy bolǵan Qaraǵandy oblysy jeńimpaz atandy.

2014 jyly Qazaqstan Prezıdenti Nursultan Nazarbaev Túrikmenstannyń joǵary ataǵy «Halqynyń qurmetti aqsaqaly» ataǵyna ıe boldy.

2015 jyly Túrkııa astanasy Ankarada Qazaqstan Prezıdenti Nursultan Nazarbaevtyń qyzmetine qatysty sýretter men kartınalar, eksponattardyń kórmesi ashyldy.

2016 jyly qazaqstandyq shahmatshy Jansaıa Ábdimálik Polshanyń Vrotslav qalasynda ótken grossmeıster Krıstına Radzıkovskaıany eske alýǵa arnalǵan halyqaralyq týrnırinde jeńiske jetti. Toǵyz raýndtyń qorytyndysy boıynsha Jansaıa 7 ball jınap, reseılik grossmeıster Anastasııa Bodnarýkti jáne Eýropa chempıonatynyń qola júldegeri polshalyq Monıka Sotskony basyp ozdy.

2016 jyly elordaǵa qazaqstandyq ǵarysh tarıhy murajaıy úshin biregeı eksponattar jetkizildi. Máskeý mańyndaǵy Korolev qalasynan arnaıy avtofýrgonmen jerge qonatyn apparattyń maketi jáne qazaqstandyq ǵaryshker Aıdyn Aıymbetovtiń skafandr maketi ákelindi.

2017 jyly Aqtóbedegi Tuńǵysh Prezıdent atyndaǵy ortalyq saıabaq janynan «Qazaqstan halqyna myń alǵys» stellasy boı kóterdi. Qazaqstan halqynyń birligin, tatýlyǵyn bildiretin eskertkishtiń bıiktigi 30 metr, kompozıtsııasy 5 bólikten turady. Stellada Qazaqstannyń kartasy beınelengen. Bul - el shekarasyn aıqyndap, landshafty men oblystardyń ornalasýyn, Astana qalasy týraly aqparat beretin bóligi.

2018 jyly Ispanııa astanasynda Damý jónindegi halyqaralyq yntymaqtastyq boıynsha ıspan agenttiginiń (AECID) kitaphanasynda Qazaq ádebıeti men óner ortalyǵynyń ashylý rásimi ótti. Shara sońynda Qazaqstan Respýblıkasynyń Ulttyq akademııalyq kitaphanasy men Damý jónindegi halyqaralyq yntymaqtastyq boıynsha ıspan agenttiginiń (AECID) kitaphanasy arasynda yntymaqtastyq hattamasyna qol qoıyldy.

2019 jyly Túrkistan oblysynyń Otyrar aýdanynynda «Rýhanı jańǵyrý» baǵdarlamasyn júzege asyrý aıasynda qurylǵan jáne Otyrar memlekettik arheologııalyq mýzeıiniń aýmaǵynda ornalasqan elimizdegi alǵashqy týrıstik ortalyq ashyldy. Ol qazaqstandyqtar men sheteldikter arasynda Otyrar qalasynyń qaıtalanbas oazısi men baı murasyn nasıhattaý, mádenı-tarıhı muranyń saqtalýyn jáne qorǵalýyn qamtamasyz etedi.


Basty sózder: Qoǵam, Oqıǵa,
Joǵary qaraı