20 mamyr kúni astanada ótetin mańyzdy sharalar ańdatpasy
NUR-SULTAN. QazAqparat – «QazAqparat» halyqaralyq aqparat agenttigi 20 mamyr kúni elordada ótetin mańyzdy sharalar ańdatpasyn usynady.
9.30-da Astana Marriott qonaq úıinde áıelder kásipkerligin jáne genderlik teńdikti damytý jónindegi koalıtsııa «Qazaqstandaǵy áıelder kásipkerligi men genderlik teńdikti damytý aıasyndaǵy mádenı-kreatıvti kásipkerlik» atty dóńgelek ústel ótkizedi.
9.30-da Sheraton Nur Sultan qonaq úıinde «Servıstik polıtsııa jumysynyń qazaqstandyq modeli: perspektıvalary jáne damý strategııasy» quqyqtyq forýmy ótedi.
10.00-de elordanyń Jasyl beldeýinde «Ormandy-dala órtterin sóndirý» órt-taktıkalyq oqý-jattyǵýlary ótedi. Oqý-jattyǵý barysynda shartty órt sóndiriledi.
Garnızonnyń jeke quramy órt sóndirý qyzmetiniń qanshalyqty jedel jáne sapaly jumys isteıtinin kórneki túrde kórsetedi.
11.00-de Táýelsizdik saraıynda qazaqstandyq óndirýshilerdiń Ulttyq Ónim atty dástúrli kórmesiniń ashylýy ótedi.
11.00-de QR Qorǵanys mınıstrliginiń Sh.Ýálıhanov atyndaǵy Áskerı kolledjinde Qazaqstan Respýblıkasy Qarýly kúshteriniń 30 jyldyǵyna oraı «Uly dala ulandary» kóshpeli kórmesi ashylady.
Kórme Elbasy kitaphanasynyń «Tuńǵysh» ekskýrsııalyq jobasynyń aıasynda uıymdastyrylmaq.
11.00-de QR Ulttyq akademııalyq kitaphanasynda Ahmet Baıtursynulynyń 150 jyldyǵy aıasynda «Qazaq tilin tuǵyryna qondyrýdaǵy Alash ıdeıasy men satylaı keshendi oqytý tehnologııasynyń róli» atty dóńgelek ústel ótedi.
11.00-de «Astana-AEK» AQ májilis zalynda QR Energetıka mınıstri Bolat Aqsholaqovtyń elorda halqymen kezdesýi ótedi. Halyqpen kezdesýden keıin saǵat 12.00-de «Astana-AEK» AQ májilis zalynda mınıstr BAQ ókilderi úshin baspasóz konferentsııasyn ótkizedi.
12.00-de NUR ALEM bolashaq energııasy murajaıynda kollektsıoner-etnograf Bahargúl Tólegenniń «Jaýhar jádiger» atty kórmesiniń ashylýy ótedi.
12.30-da QR Prezıdenti janyndaǵy Ortalyq kommýnıkatsııalar qyzmetinde «Memlekettik satyp alýdy jetildirý sharalary týraly» baspasóz máslıhaty ótedi.
Spıkerler: QR Qarjy vıtse-mınıstri Dáýren Keńbeıil; Memlekettik satyp alý zańnamasy departamentiniń dırektory Murat Ádilhanov; Memlekettik satyp alý zańnamasy departamentiniń dırektorynyń orynbasary Erlan Seıitov; Іshki memlekettik aýdıt komıteti tóraǵasynyń orynbasary qyzmetin atqarýshy Danııar Bakıshev; «Elektrondy qarjy ortalyǵy» AQ basqarýshy dırektory Aıjan Qaıyrbekova.
Kórsetilim siltemeleri: Youtube, Facebook.
15.00-te qalalyq ákimdiktiń májilis zalynda Nur-Sultan qalasynyń Qoǵamdyq keńesiniń otyrysy ótedi.
16.00-da QR Ulttyq mýzeıinde belgili sýretshi Muhtar Baıbosynnyń XIX-XX ǵasyrlarda qazaq mádenıetiniń negizin salǵan tulǵalarǵa arnalǵan «Asyl mura» atty jeke kórmesiniń ashylýy ótedi.
19.00-de Q. Qýanyshbaev atyndaǵy memlekettik akademııalyq qazaq mýzykalyq-drama teatrynda «Bopaı hanym» tarıhı tragedııasy kórsetiledi.
19.30-da Qazaqkontserttiń úlken sahnasynda «Kompozıtorlardyń portretteri» atty jańa kontsert ótedi. Kontsertti Qazaq memlekettik sımfonııa orkestri usynady.
