Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

20 myńǵa jýyq qazaqstandyq parasportpen júıeli túrde aınalysady – Qyrymbek Kósherbaev

2021 jyldyń 7 qyrkúıek 2021 17:53

NUR-SULTAN. QazAqparat – qazaqstanda 20 myńǵa jýyq azamat parasport túrimen júıeli túrde aınalysady. Sonyń ishinde 500 sportshy Ulttyq qurama sapynda jarystarǵa qatysady. Bul týraly QR Memlekettik hatshysy Qyrymbek Kósherbaev aıtty, dep habarlaıdy QazAqparat tilshisi.

«Tokıo Paralımpıadasynda bizdiń elimiz óz sportshylaryn úkilep qosty. Dúbirli doda aldynda Memleket basshysy sportshylardy arnaıy qabyldap, aq jol tiledi. Kezdesý barysynda Prezıdent álemdegi júz myńdaǵan sportshynyń arasynan úzdik shyǵyp, oıyndarǵa joldama alý ekiniń biriniń qolynan kele bermeıdi degen bolatyn. Prezıdent aıtqandaı, sizder oǵan kásibı biliktilik pen daıyndyqtyń arqasynda qol jetkizýge bolatynyn dáleldedińizder. Parasportpen aınalysatyn árbir adam – jeńimpaz. Búgin elimiz boıynsha 20 myńǵa jýyq azamat parasport túrimen júıeli túrde aınalysyp keledi. Sonyń ishinde 500 sportshy Ulttyq qurama sapynda saıystarǵa qatysady. Memleket paralımpıadalyq sport túrlerin damytý úshin qajetti jaǵdaı jasaı beredi», - dedi Qyrymbek Kósherbaev jeńimpazdardy marapattaý saltanatynda.

Memlekettik hatshynyń aıtýynsha, qazir óńirlerde parasportshylarǵa arnalǵan 16 arnaıy top pen mektep jumys isteıdi.

Elordada 2018 jyly ashylǵan Paralımpıadalyq jattyǵý ortalyǵy jumys isteıdi.

Zaman talabyna saı jabdyqtalǵan ortalyq AQSh, Ulybrıtanııa, Japonııa, Ońtústik Koreıa elderimen qatar Qazaqstan astanasynda da bar.

Aıta keteıik, Paralımpıada oıyndarynda Qazaqstan 5 medal aldy. Onyń bireýi - altyn, úsheýi - kúmis, bireýi - qola medal.

Jalpy komandalyq esepte qazaqstandyq sportshylar 51-orynǵa taban tiredi.

Búgin Prezıdent Qasym-Jomart Toqaevtyń Jarlyǵymen Davıd Degtıarev III dárejeli «Barys» ordenimen, Zarına Baıbatına, Temirjan Dáýlet, Ánýar Sarıevter «Parasat» ordenimen, Nurdáýlet Jumaǵalı «Qurmet» ordenimen marapattaldy.

Qyrymbek Kósherbaev is-shara barysynda altyn medal alǵan Davıd Degtıarevke 106 mıllıon teńge, kúmis medalge ıe bolǵan Zarına Baıbatına, Temirjan Dáýlet, Ánýar Sarıevterge 63 mıllıon teńge, qola júldeger atanǵan Nurdáýlet Jumaǵalıge 31 mıllıon teńge qarjylaı syıaqy tabystady.



Joǵary qaraı