Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2015-2025 jyldarǵa arnalǵan sybaılas jemqorlyqqa qarsy strategııa qalaı oryndalýda

2021 jyldyń 14 sáýir 2021 09:14

NUR-SULTAN. QazAqparat - QR Sybaılas jemqorlyqqa qarsy is-qımyl agenttigi Qazaqstan Respýblıkasynyń 2015-2025 jyldarǵa arnalǵan sybaılas jemqorlyqqa qarsy strategııasynyń oryndalýy týraly baıandady, dep habarlaıdy QazAqparat.

QR Sybaılas jemqorlyqqa qarsy is-qımyl agenttigi Qazaqstan Respýblıkasynyń 2015–2025 jyldarǵa arnalǵan sybaılas jemqorlyqqa qarsy strategııasyn iske asyrý jónindegi is-sharalar josparynyń 2020 jyldyń qorytyndysy boıynsha oryndalýyna júrgizilgen monıtorıng jáne baǵalaý týraly aqparatty jarııalady.

2020 jyly Qazaqstan Respýblıkasynyń 2015 – 2025 jyldarǵa arnalǵan sybaılas jemqorlyqqa qarsy strategııasyn iske asyrý jónindegi 2018 – 2020 jyldarǵa arnalǵan is-sharalar josparyna sáıkes memlekettik jáne jergilikti atqarýshy organdar 27 is-sharany iske asyrdy. Atalǵan jospar 2018 jyly 31 mamyrdaǵy № 309 Úkimet qaýlysymen bekitilgen.

Mysaly, jospar boıynsha kásipkerlik qyzmetti júzege asyrýǵa kedergi keltiretin quqyq buzýshylyqtar úshin laýazymdy tulǵalardyń jaýapkershiligin kúsheıtý bóliginde Agenttik 2020 jylǵy 20 aqpanda Prezıdent Ákimshiligine kásipkerlik qyzmetti júzege asyrýǵa kedergi keltiretin quqyq buzýshylyqtar úshin laýazymdy tulǵalardyń jaýapkershiligin kúsheıtý jóninde usynystar jiberdi.

Laýazymdy tulǵalardyń jaýapkershiligin kúsheıtý jáne azamattardyń quqyqtaryn qorǵaý, onyń ishinde kásipkerlik qyzmetti qorǵaý maqsatynda Agenttik kinásiz adamdy qylmystyq jaýapkershilikke tartqany, zańsyz ustaǵany jáne ózge de buzýshylyqtar úshin jazalaý merzimderin ulǵaıtý jóninde birqatar usynystar bergenin atap ótken jón.

Osyǵan uqsas ustanymdy QR Bas prokýratýrasy bildirdi, ony barlyq quqyq qorǵaý jáne memlekettik organdar, sondaı-aq QR Joǵarǵy Soty qoldady.

Joǵaryda kórsetilgen sharalar Іs-sharalar josparynyń tek bir tarmaǵyn iske asyrý nátıjeleri boıynsha ǵana qabyldandy. 2020 jyldyń qorytyndysy boıynsha Qazaqstan Respýblıkasynyń 2015 – 2025 jyldarǵa arnalǵan sybaılas jemqorlyqqa qarsy strategııasyn iske asyrý jónindegi is-sharalar josparynyń oryndalýy týraly tolyq aqparatpen agenttiktiń resmı saıtynda kelesi silteme boıynsha tanysýǵa bolady.


Joǵary qaraı