Aýa raıy
Astana 23 °S
Almaty 22 °S
valıýta baǵamy
USD 412.55
EUR 465.73
RUB 5.79
CNY 58.91

2020 jyldan bastap TJK qyzmetkerleriniń jalaqysy kóteriledi

2019 jyldyń 11 qarasha 2019 18:13

NUR-SULTAN. QazAqparat – 2020 jyldan bastap Tótenshe jaǵdaılar komıteti qyzmetkerleriniń aılyǵy kóteriledi. Bul týraly Іshki ister mınıstriniń orynbasary Alekseı Kalaıchıdı málim etti, dep habarlaıdy QazAqparat tilshisi.

«Tótenshe jaǵdaılar komıtetiniń qyzmetkerlerin – aılyǵy ósetin qyzmetkerlerdiń qataryna engizip jatyrmyz. Olardyń aılyǵy 2020 jyldyń 1 qańtarynan bastap kóteriledi. Bul jerde TJK qyzmetkerleriniń aılyǵy tártip saqshylarynyń aılyǵyn kótergendeı amal-ádis qoldanylady. ıAǵnı, TJK qataryndaǵy qyzmeti eń aýyr mamandardyń aılyǵy 60-65 paıyzǵa artady», - dedi Alekseı Kalaıchıdı ІІM-de ótken baspasóz máslıhatynda.

Іshki ister mınıstriniń orynbasarynyń aıtýynsha, órt sóndirýshilerdiń aılyǵy patrýldik polıtsııa qyzmetkerleriniń jalaqysynan asa kem emes.

«Sondyqtan, olardyń aılyǵyn 65 paıyzǵa kóterý bastamasy óte oryndy dep esepteımin. Bizdiń boljaýymyzsha, olardyń aılyǵy shamamen 140 myń teńgege jetip qalýy kerek», - dedi ol.

Eske sala ketsek, búgingi baspasóz máslıhatynda Іshki ister mınıstri Erlan Turǵymbaev polıtseılerdi kezekten tys attestatsııalaýdyń qorytyndysyn jarııalaǵan bolatyn. Attestatsııa qorytyndysy boıynsha birinshi basshylardyń 60paıyzy aýysqan.

Avtor Aıan Bekenuly
Basty sózder: Qoǵam, QR ІІM,
Joǵary qaraı