Aýa raıy
Astana 5 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

2020 jylǵy bilim granty ıegerleriniń tizimi jarııalandy

2020 jyldyń 15 tamyz 2020 18:13

NUR-SULTAN. QazAqparat – Memlekettik bilim grant ıegerleriniń tizimi jarııalandy, dep habarlaıdy QazAqparat.

Memlekettik bilim grant ıegerleriniń tizimin myna jerden kórýge bolady.

Eske salsaq, 2020-2021 oqý jylyna arnalǵan mamandyqtar bólinisinde joǵary jáne joǵary oqý ornynan keıingi bilimi bar kadrlardy, magıstrlerdi jáne PhD doktorlaryn daıarlaýǵa arnalǵan memlekettik bilim berý tapsyrysy bólindi. Qujatqa sáıkes, bıyl joǵary bilimi bar kadrlardy (bakalavr) daıarlaýǵa - 53 864 grant bólindi.

UBT elimiz boıynsha 21 maýsym men 1 shilde aralyǵynda ótkizildi. Oǵan rekordtyq kólemde – 131 754 ótinish tirkelse, onyń 111 113-i, ıaǵnı 82 paıyzy – bıylǵy mektep túlekteri. Ótken jyly bul kórsetkish 12% tómen bolǵanyn atap ótken jón.

UBT qorytyndysy boıynsha, testileýge tirkelgen azamattardyń 92,1% testileýge qatysty, 2019 jyly bul kórsetkish 94% quraǵan bolatyn. Shekti baldy 82 154 talapker jınady, bul ótken jylǵy kórsetkishtermen salystyrǵanda bir deńgeıde qalyp otyr. Jalpy respýblıka boıynsha ortasha kórsetkish 64,06 baldy qurady, munda 2019 jylǵy ortasha kórsetkishpen salystyrǵanda aıtarlyqtaı aıyrmashylyq joq (65,5 ball).



Joǵary qaraı