Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

2020 jyly alıment tóleýden jaltarǵandardan 76 páter men 62 kólik óndirip alyndy

2021 jyldyń 22 qańtar 2021 10:08

NUR-SULTAN. QazAqparat – 2020 jyly alıment tóleýden jaltarǵandardan 76 páter men 62 kólik arqyly bereshek óndirildi. Bul týraly QR Ádilet vıtse-mınıstri Almat Madalıev aıtty, dep habarlaıdy QazAqparat tilshisi.

«Birneshe jyl boıy júrgizilgen dáıekti reforma jáne atqarýshylyq is júrgizýdi elektrondyq formatta júzege asyrý ózin-ózi aqtady. Atqarýshylyq is júrgizý organdarynyń avtomattandyrylǵan aqparattyq júıesi áleýmettik mańyzdy atqarýshylyq qujattar boıynsha májbúrleý sharalaryn úzdiksiz qabyldaýǵa múmkindik berdi. Osylaısha, alıment sanatyndaǵy boryshkerlerdiń 76 birlik jyljymaıtyn múliginen jáne 62 birlik kólik quraldarynan bereshek óndirilip alyndy», - dedi ol mınıstrliktiń keńeıtilgen alqa otyrysynda.

Sonymen qatar ol Jeke sot oryndaýshylardyń respýblıkalyq palatasynyń qyzmetinde ashyqtyq qamtamasyz etilgenin aıtty.

«Respýblıkalyq palatanyń býhgalterııasymen qarjylyq eseptiligi «PricewaterhouseCoopers» kompanııasynyń aýtsorsıngine berilgen. Olardyń kiristeri jáne shyǵystary aı saıyn palatanyń resmı saıtynda jarııalanady. Bul kásibı uıymǵa degen jeke sot oryndaýshylardyń, onyń músheleriniń jáne retteýshiniń tarapynan senimdi arttyrady», - dedi vıtse-mınıstr.


Joǵary qaraı