Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2020 jyly elorda bıýdjetine 696 mlrd teńge kiris túsken

2021 jyldyń 15 sáýir 2021 12:55

NUR-SULTAN. QazAqparat – Byltyr Nur-Sultan qalasynyń bıýdjetine 696 mlrd 940 mln teńge kiris túsken. ıAǵnı, jospar 35 mlrd 899 mln teńgege asyra oryndalyp otyr, dep habarlaıdy QazAqparat tilshisi.

Qalalyq ekonomıka jáne bıýdjettik josparlaý basqarmasynyń basshysy Álibı Jumaev qoǵamdyq keńes otyrysynda osyndaı málimet berdi

«Ótken jyly Nur-Sultan bıýdjetine 696 mlrd 940 mln teńge tústi. Jospar 35 mlrd 899 mln teńgege asyra oryndaldy. Menshikti kiristerdiń jıyntyq kólemi 361 mlrd 717 mln teńgeni qurady nemese 11% artyq oryndaldy. Salyqtyq túsimder boıynsha 332 mlrd 479 mln teńge tústi. Ol 110,6%-dy qurady nemese 31 mlrd 751 mln teńgege asyra oryndaldy. Salyqtyq emes túsimder boıynsha 11 mlrd 796 mln teńge nemese 116%-ǵa ósti», - dedi basqarma basshysy.

Onyń aıtýynsha, bıýdjet bóliginde negizgi kiristi asyra oryndaý salyq túsimderi esebinen qamtamasyz etilgen.

«Bul rette 2020 jyldyń 1 qańtarynan bastap shaǵyn jáne orta bıznesten túsetin korporatıvtik tabys salyǵy jergilikti bıýdjetke túsetinin atap ótken jón. Osyǵan baılanysty asyra oryndaýdyń negizgi somasynyń biri korporatıvtik tabys salyǵynyń túsimderi boldy. Bul soma 13 mlrd 604 mln teńgeni qurady. Jeke tabys salyǵy boıynsha 122 mlrd 404 mln teńge tústi. Áleýmettik salyq boıynsha asyra oryndaý 7 mlrd 827 mln teńgeni qurap, 89 mlrd 521 mln teńge boldy. Jer salyǵy boıynsha jospar 26 mln teńgege asyra oryndalyp, jalpy 1 mlrd 593 mln teńge tústi. Kólik quraldaryna salynatyn salyq boıynsha jospar 540 mln teńgege asyra oryndalyp, 5 mlrd 642 mln teńge tústi», - dep tolyqtyrdy ekonomıka jáne bıýdjettik josparlaý basqarmasynyń basshysy.

Sóziniń sońynda Álibı Jumaev esepti jyly Nur-Sultan qalasynyń ákimdigi «Nurly jer» baǵdarlamasy aıasynda 49 mlrd 548 mln teńge, «Jumyspen qamtýdyń jol kartasy» baǵdarlamasy aıasynda 44 mlrd 30 mln teńge bolatyn memlekettik baǵaly qaǵazdar shyǵarylǵanyn málim etti.


Avtor Esimjan Naqtybaı
Basty sózder: Bıýdjet, Qarjy, Nur-Sultan,
Joǵary qaraı