Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

2020 jyly jeńil ónerkásiptegi óndiris kólemi 15% ósti - mınıstrlik

2021 jyldyń 20 qańtar 2021 12:27

NUR-SULTAN. QazAqparat - 2020 jyldyń qańtar-jeltoqsan aılarynda jeńil ónerkásip óndirisiniń kólemi 15% - ǵa ósip, 128,7 mlrd. teńgeni qurady, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.

Ósim barlyq salada baıqalady. Mysaly, toqyma buıymdarynyń óndirisi 4,5%, kıim óndirisi 5,5%, sondaı-aq bylǵary jáne oǵan jatatyn ónimder óndirisi 131,1% artty.

Ótken jyly 1,606 mlrd teńge ınvestıtsııa somasyna 6 joba iske qosylyp, 1145 jumys orny quryldy. Olardyń ishinde «Turkistan Textile» JShS tigin buıymdarynyń óndirisi, «Bal dekor» JShS kilem buıymdarynyń óndirisi, «V.A.E.R» JShS dáke tańý materıaldarynyń óndirisi, «DALSAN (DALSAN)» JShS ylǵaldy maılyqtar óndirisi, «SP «LUX SHOES» JShS taban óndiris, sondaı-aq «FIBC Kazakhstan» JShS pishý tsehy jáne «Kýbleı» JShS teri óńdeý tsehy bar.

Budan bólek, 2020 jyly halyqty betperdemen qamtamasyz etý úshin óndiriske 70-ten astam tigin kásiporyndary tartyldy: «Dalatex» JShS (Qyzylorda), «Bolshevıchka» JShS (Qostanaı), «Eko-Farm» JShS (Shymkent), «As Farm» JShS (ShQO), «Tynys» AQ (Kókshetaý), «KazLegProm» JShS (Almaty), «Janarys» JShS (Mańǵystaý obl.) jáne t. b. seldir matadan jáne bózden kúnine 700 myń betperde ázirleıdi.


Joǵary qaraı