Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

2021 jyly 17,5 myńnan astam etnıkalyq qazaq qandas mártebesin aldy

2022 jyldyń 14 qańtar 2022 10:13

NUR-SULTAN. QazAqparat - 2021 jyldyń qorytyndysy boıynsha 17 540 etnıkalyq qazaq tarıhı otanyna oralyp, qandas mártebesin aldy. Jalpy 1991 jyldan beri respýblıkaǵa 1 mıllıon 87,8 myń etnıkalyq qazaq oraldy.

Bul týraly QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap habarlaıdy.

2021 jyly Qazaqstanǵa kelgen qandastardyń jartysynan astamy (76,2%) Ózbekstannan, 9,7% – QHR-dan, 6% – Túrikmenstannan, 2,6% – Mońǵolııadan jáne 5,7% – basqa elderden kelgen.

Kelgen etnıkalyq qazaqtar negizinen Almaty (28,5%), Mańǵystaý (19%), Túrkistan (13%) jáne Jambyl (7,8%) oblystaryna, sondaı-aq Shymkent (10,5%) qalasyna qonystandy.

Osy jylǵy 1 qańtardaǵy jaǵdaı boıynsha eńbekke qabiletti jastaǵy etnıkalyq qonys aýdarýshylar sany 55,2%-dy, eńbekke qabiletti jastan kishi 28%-dy jáne zeınetkerler 16,8%-dy quraıdy.

Eńbekke qabiletti jastaǵy qandastardyń ishinen bilim deńgeıi boıynsha 11,1%-ynyń joǵary bilimi, 40,1%-ynyń orta kásibı bilimi, 45,6%-ynyń jalpy orta bilimi bar jáne 3,1%-ynyń bilimi joq.


Joǵary qaraı