Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

2021 jyly «Almaty-Óskemen» tasjolynyń 200 shaqyrymy ashylady

2021 jyldyń 26 aqpan 2021 15:20

ÓSKEMEN. QazAqparat – Shyǵys Qazaqstan oblysynda jol salasyna 86 mlrd teńge ınvestıtsııalanǵan, dep habarlaıdy QazAqparat tilshisi.

Óńirde kólik joldaryn jóndeý jumystary jalǵasýda. Qazirgi ýaqytta jaqsy jáne qanaǵattanarlyq jaǵdaıdaǵy joldardyń úlesi 85 paıyzǵa jetken. Bul týraly halyq aldynda esep bergen ShQO ákimi Danıal Ahmetov aıtty.

«45,3 mlrd teńge respýblıkalyq mańyzy bar joldarǵa, atap aıtqanda «Taldyqorǵan-Qalbataý-Óskemen» jáne «Qalbataý-Maıqapshaǵaı» joldaryn, oblystyq jáne aýdandyq mańyzy bar joldarǵa bólindi. Al eldi mekender kóshelerin jóndeýge 40,7 mlrd teńgeden astam ınvestıtsııa tartylǵan. Bıyl respýblıkalyq mańyzy bar joldardy rekonstrýktsııalaý jumystary jalǵasýda», - dedi ol.

2021 jyly «Almaty-Óskemen» jáne «Qalbataý-Maıqapshaǵaı» tasjolynyń 200 shaqyrymynda jol qozǵalysy ashylady. Atalǵan joldar tolyqtaı 2022 jyly paıdalanýǵa berilmek, - dep atap ótti Danıal Ahmetov.

«Budan bólek, «Taskesken-Baqty» tasjolynyń 20 shaqyrymyn rekonstrýktsııalaý aıaqtalýda. Joba iske asqannan keıin Osınov asýyn aınalyp ótip, «Óskemen-Altaı-Rahman qaınary» jolyn qaıta jańartý jumystary jalǵastyrylady», - dedi Danıal Ahmetov.

Osy jyly oblystyq jáne aýdandyq mańyzy bar joldardyń 138 shaqyrymyn jóndeý jumystary jalǵasyn tappaq. Sondaı-aq Óskemen qalasy men Úrjar aýylynyń áýejaılaryn qaıta jańartý, Kúrshim aýdanyndaǵy Buqtyrma sý qoımasy arqyly kópir salý jumystary júrgiziledi.


Joǵary qaraı