Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

2021 jyly Qazaqstanda elektr energııasyn óndirý artady

2021 jyldyń 5 naýryz 2021 15:02

NUR-SULTAN. QazAqparat – Elimizdiń energetıkalyq qaýipsizdigin qamtamasyz etý úshin Manevrlik qýattardy damytý mindetti shart bolyp sanalady. Bul týraly QR Energetıka mınıstrliginiń alqa májilisinde vedomstvo basshysy Nurlan Noǵaev aıtty, dep habarlaıdy QazAqparat tilshisi.

«2021 jyly 109 mlrd kVtsaǵ elektr energııasyn óndirý josparlanǵan. Bıyl «Elektr energetıkasy týraly» Zańǵa sáıkes manevrlik qýattar qurylysyn yntalandyrý jáne Gıdroenergetıkany damytý josparyn iske asyrý jumysy jalǵasatyn bolady. Sonymen qatar, mınıstrlik tarapynan Qazaqstan Respýblıkasy biryńǵaı elektr energetıkalyq júıe aımaǵynda elektr stantsııasynyń tıpi, aımaq, manevrlik qýattyń qajetti kólemderin aıqyndaýmen Manevrlik generatsııalaý rejımimen generatsııalaıtyn qondyrǵylardy ornalastyrý jospary ázirlenip, bekitildi. Manevrlik generatsııalaý rejımimen generatsııalaıtyn qondyrǵylardy ornalastyrý josparymen manevrlik qýattardy salý úshin perspektıvalyq alańdar anyqtaldy», - dedi mınıstr.

Sonymen qatar, 2021 jyldyń sońynda ınvestıtsııalyq jobalardy irikteýdiń aýktsıondyq saýda-sattyǵyn ótkizý josparlanyp otyr.

«Ósip kele jatqan elektr energııasyn tutynýdy jáne energobalansta alternatıvti ári jańartylatyn energııa túrleriniń úlesin eskere otyryp, elimizdiń energetıkalyq qaýipsizdigin qamtamasyz etý úshin Manevrlik qýattardy damytý mindetti shart bolyp sanalady. Sonymen qatar, bıyl Smart Grid tujyrymdamasyn ázirleý jáne Biryńǵaı elektr energetıkasy júıesindegi tehnıkalyq irkilisterge den qoıý jónindegi jedel ortalyq qurý josparlanyp otyr», - dedi vedomstvo basshysy.

Aıta keteıik, 2020 jyly elektr energııasyn óndirý kólemi 108 mlrd kVtsaǵ-qa jetti.



Joǵary qaraı