Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2021 jyly respýblıkalyq bıýdjet kiristeri 7 mlrd teńgeden asady – QR UEM

2021 jyldyń 5 mamyr 2021 11:20

NUR-SULTAN. QazAqparat – Májiliste 2021-2023 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna ózgerister men tolyqtyrýlar engizý týraly» QR Zań jobasy qaraldy, dep habarlaıdy QazAqparat.

Ulttyq ekonomıka mınıstri Áset Erǵalıevtiń aıtýynsha, 2021 jylǵa arnalǵan makroekonomıkalyq kórsetkishter men bıýdjettik parametrler boljamyna naqtylaý engizilip otyr. Makrokórsetkishter boljamy el ekonomıkasynyń ósýi boıynsha jedel derekterdi, álemdik ekonomıka men naryqtaǵy úrdisterdi eskere otyryp, naqtylandy.

«Jalpy ishki ónimniń ósý qarqyny qańtar aıyndaǵy mınýs 4,5 paıyzdan birinshi toqsannyń qorytyndysy boıynsha mınýs 1,6 paıyzǵa deıin jetti. Makrokórsetkishterdi naqtylaý kezinde munaıdyń ortasha jyldyq baǵasy barreline 50 dollar deńgeıinde aıqyndaldy. Dúnıejúzilik bank pen Halyqaralyq valıýta qorynyń boljamdary boıynsha álemdik ekonomıkanyń ósýi bıyl 4,3% jáne 6% quraıdy. Joǵaryda aıtylǵandy eskere otyryp, el ekonomıkasynyń ósý boljamy 2,8 paıyzdan 3,1 paıyzǵa deıin jaqsardy. Osylaısha ekonomıkalyq ósim qalpyna kelý satysynda bolady», - dedi Ulttyq ekonomıka mınıstri Májilistiń jalpy otyrysynda.

Bul rette nomınaldy jalpy ishki ónim 77,8 trln teńge kóleminde baǵalanýda.

Syrtqy suranysty qalpyna keltirý aıasynda metallýrgııadaǵy óndiristiń belsendi ósýi esebinen óńdeýshi ónerkásiptegi boljamdy kórsetkishter 4,1 paıyzdan 5,2 paıyzǵa deıin jaqsardy. Qurylysta josparlanǵan 17 mln sharshy metr turǵyn úıdiń berilýine baılanysty boljam 2,5%-dan 5%-ǵa deıin jaqsardy. Aqparat pen baılanysta IT qyzmetterge suranystyń ósý nátıjesinde boljam 3,8%-dan 6,5%-ǵa deıin ulǵaıdy.

Ulttyq banktiń boljamy boıynsha eksport 10,8 mlrd dollarǵa ıaǵnı 52,2 mlrd dollarǵa deıin ulǵaıady. Import 37,1 mlrd dollardy kórsetken.

Inflıatsııa buryn bekitilgen 4-6% dálizde saqtaldy.

«Túzetilgen makroekonomıkalyq boljam negizinde 2021 jylǵa arnalǵan respýblıkalyq bıýdjet parametrleriniń boljamy naqtylandy. Respýblıkalyq bıýdjet kiristeri transfertterdi esepke almaǵanda, 2021 jyly 7 204 mlrd teńge kóleminde baǵalanady. Ulttyq qordan kepildendirilgen transfert ózgermeıdi jáne 2 700 mlrd teńge mólsherinde saqtaldy. Ulttyq qordan nysanaly transfert 1 trln teńgeden 1 850 mlrd teńgege deıin ulǵaıady. Respýblıkalyq bıýdjet shyǵystary 15 334 mlrd teńge kóleminde boljanýda. Bıýdjet tapshylyǵy jalpy ishki ónimge qatysty 3,5% deńgeıinde boljanyp otyr», - dedi Áset Erǵalıev.


Joǵary qaraı