Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

الداعى 2022-جىلدان باستاپ كىمدەردىڭ ايلىعى وسەدى؟

2021 jyldyń 22 qazan 2021 20:45

نۇر-سۇلتان. قازاقپارات - مەملەكەت باسشىسى ءماسليحات حاتشىلارىنىڭ جالاقىسىن كوتەرۋ تۋرالى ۇكىمەتتىڭ ۇسىنىسىن قولدادى.

بۇل تۋرالى ۇكىمەت باسشىسى اسقار مامين سەنات وكىلدەرىنىڭ دەپۋتاتتىق ساۋالىنا بەرگەن جاۋابىندا ايتتى، دەپ حابارلايدى قازاقپارات ءتىلشىسى.

«بارلىق دەڭگەيدەگى ءماسليحات حاتشىلارىنىڭ، تەكسەرۋ كوميسسيالارىنىڭ ءتوراعالارى مەن مۇشەلەرىنە ەڭبەكاقى تولەۋ «مەملەكەتتىك بيۋجەت ەسەبىنەن ۇستالاتىن بارلىق ورگانداردىڭ قىزمەتكەرلەرىنە ەڭبەكاقى تولەۋدىڭ ءبىرىڭعاي جۇيەسىن بەكىتۋ تۋرالى» ۇكىمەتتىڭ 2017-جىلعى 16- قازانداعى 646№ قاۋلىسىمەن رەتتەلەدى. مەملەكەت باسشىسىنىڭ مەملەكەتتىك ورگانداردا ەڭبەكاقى تولەۋدىڭ جاڭا جۇيەسىن ەنگىزۋ جونىندەگى تاپسىرماسىن ىسكە اسىرۋ شەڭبەرىندە 2021-جىلعى 30- ماۋسىمدا سول قاۋلىعا ءتيىستى وزگەرىستەر ەنگىزىلدى»، - دەپ جازادى پرەمەر-مينيستر.

ونىڭ ايتۋىنشا، بارلىق دەڭگەيدەگى ءماسليحات دەپۋتاتتارىنىڭ ايلىعى 2022-جىلدىڭ 1- قاڭتارىنان باستاپ ءوسۋى كەرەك.

«بارلىق دەڭگەيدەگى ءماسليحات حاتشىلارىنىڭ لاۋازىمدىق جالاقىسىن كوتەرۋگە كەلسەك، مەملەكەت باسشىسى 2022-جىلعى 1- قاڭتاردان باستاپ ءماسليحات حاتشىلارىنىڭ جالاقىسىن ارتتىرۋ تۋرالى ۇكىمەتتىڭ ۇسىنىسىن قولداعانىن حابارلايمىن. وسىعان بايلانىستى جىل سوڭىنا دەيىن ۇكىمەت مەملەكەتتىك بيۋجەت ەسەبىنەن قامتىلاتىن بارلىق قىزمەتكەرلەردىڭ ەڭبەكاقىسىن رەگلامەنتتەيتىن قاۋلىعا ءتيىستى تۇزەتۋلەر ەنگىزۋ جونىندە شارالار قابىلدايدى»، - دەپ تۇيىندەدى اسقار مامين.

Joǵary qaraı