Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2023 jyldan bastap jumys berýshiler ár qyzmetkerge óz esebinen 5% zeınetaqy jarnasyn aýdarýǵa tıis

2021 jyldyń 4 qazan 2021 10:01

NUR-SULTAN. QazAqparat - 2023 jyldan bastap jumys berýshiler óz esebinen 5% zeınetaqy jarnasyn aýdarýǵa tıis, dep habarlaıdy QazAqparat.

Eńbek jáne halyqty áleýmettik qorǵaý mınıstrligi zeınetaqy júıesin odan ári jańǵyrtýdyń 2030 jylǵa deıingi tujyrymdamasyna túzetýler ázirledi.

Osy jańǵyrtýdyń taǵy bir mańyzdy baǵyty - 2023 jyldan bastap jumys berýshilerdiń 5% mindetti zeınetaqy jarnasyn engizý.

Jumys berýshiler óz qarajaty esebinen óz jumyskerleriniń paıdasyna jumyskerdiń tabysynan mindetti 5% zeınetaqy jarnasyn aýdarady.

Memleket basshysy JBMZJ maqsatyn shartty-jınaqtaýshy quramdaýyshty qalyptastyrýdan azamattardyń jeke zeınetaqy jınaqtaryn tolyqtyrýǵa ózgertý, sondaı-aq keıinnen olardy áleýmettik muqtajdyqqa paıdalaný quqyǵyn bere otyryp, mindetti zeınetaqy jarnalary, mindetti kásiptik zeınetaqy jarnalary jáne JBMZJ esebinen qalyptastyrylǵan zeınetaqy jınaqtarynyń bir bóligimen tolyqtyrý (salymshynyń tańdaýy boıynsha) arqyly Biryńǵaı jınaqtaýshy zeınetaqy qorynda jeke nysanaly shottardy engizý jónindegi tásilderdi maquldady.

QR Salyq kodeksiniń sheńberinde jumys berýshilerge júktemeni tómendetý úshin engiziletin JBMZJ shegerimderine jatqyzý bóliginde jeńildikter berilgenin atap ótý qajet.

Búgingi tańda Biryńǵaı jınaqtaýshy zeınetaqy qorynan tólenetin zeınetaqy tólemderi zeınetaqy tólemderiniń mólsherin esepteýdi júzege asyrý ádistemesine sáıkes esepteledi.

Zııandy óndiristerde jumys isteıtin qyzmetkerler úshin jáne eger múgedektigi merzimsiz bolyp belgilense, birinshi jáne ekinshi toptardaǵy múgedektigi bar zeınetaqy tólemderin alýshylar úshin zeınetaqy jınaqtarynyń aǵymdaǵy qunynyń jekelegen koeffıtsıentteri engizildi.

«Tujyrymdamaǵa túzetýler aıasynda eńbek jaǵdaılary zııandy jumystarmen aınalysatyn qyzmetkerlerge qatysty ólim-jitimniń jekelegen koeffıtsıentterin paıdalaný máselesi qarastyrylýda, olardy ómir boıǵy zeınetaqy annýıtetiniń qunyn esepteý kezinde qoldaný josparlanyp otyr. Bul jańashyldyq zııandy eńbek jaǵdaılarynda jumys isteıtin azamattar úshin zeınetaqy annýıtetin resimdeý múmkindigin neǵurlym qoljetimdi etedi», – deıdi Eńbekmınniń áleýmettik saqtandyrý, bazalyq áleýmettik jáne zeınetaqymen qamsyzdandyrý saıasaty departamentiniń dırektory Vıktorııa Shegaı.

Tabysty zeınetaqy tólemderimen almastyrý deńgeıin saqtaý úshin zeınetaqy jınaqtaryn merziminen buryn alýdyń parametrleri men sharttaryn jetildirý jónindegi jumys jalǵasady.

Tujyrymdamada usynylǵan sharalar bolashaq alýshylardyń zeınetaqysynyń mólsherin olardyń eńbek ótiline barabar qamtamasyz etýge, zeınetaqy tólemderiniń «satyp alý» qabiletin jáne joǵalǵan tabysty almastyrýdyń halyqaralyq zeınetaqymen qamsyzdandyrý standarttaryna sáıkes keletin deńgeıin saqtaýǵa múmkindik beredi.

Qazirgi ýaqytta «Qazaqstan Respýblıkasynyń zeınetaqy júıesin odan ári jańǵyrtýdyń 2030 jylǵa deıingi tujyrymdamasy týraly» Qazaqstan Respýblıkasy Prezıdentiniń 2014 jylǵy 18 maýsymdaǵy № 841 Jarlyǵyna ózgerister men tolyqtyrýlar engizý týraly» Qazaqstan Respýblıkasynyń Prezıdenti Jarlyǵynyń jobasy týraly» QR Úkimeti qaýlysynyń jobasy múddeli memlekettik organdarmen kelisiledi.


Joǵary qaraı