Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2023 jyly Jambyl oblysynda avtojoldyń 95 paıyzy asfalt bolady

2021 jyldyń 27 shilde 2021 11:57

ShÝ. QazAqparat – «QazAvtoJol» UK» AQ Jambyl oblystyq fılıalynyń dırektory Aıjan Toǵanova 2022-2023 jylǵa qaraı Jambyl oblysynda kólik jolynyń sapasy qandaı bolatynyn aıtty, dep habarlaıdy QazAqparat tilshisi.

«Biz qazir «Merki- Býrylbaıtal» tasjolynyń salyný barysymen tanysyp otyrmyz. Bul kólik joly elimizdiń ortalyǵy men ońtústigin jalǵaıdy. Tasjoldyń qurylysy 2019 jyly bastaldy, jospar boıynsha 2023 jyly aıaqtaý kózdelip otyr. Onyń jalpy uzyndyǵy 262 shaqyrymdy quraıdy. Tasjol qurylysy 4 ýchaskeden turady, qazirgi ýaqytta barlyq ýchaskede de jol salý jumystary qyzý júrip jatyr. Joldyń salynýyna 2 kompanııa jaýapty jáne jobanyń quny 89 mlrd teńgeni quraıdy. Búginde atalǵan tasjoldyń 70 paıyzy daıyn, osy oraıda jyldyń sońyna deıin 2 ýchaskeni halyq ıgiligine berýdi josparlar otyrmyz. Jol salýda eńbektenip jatqan mamandar men jumysshylardyń 80 paıyzy jergilikti halyq», - dedi A. Toǵanova.




Onyń málimdeýinshe, «Merki- Býrylbaıtal» tasjoly qurylysy jumysyna 900-den astam maman jáne 500-den astam tehnıka jumyldyrylyp jatyr. Jáne atalǵan tasjol boıynda 9 jyly ájethana ornatý jospary bar.

«Oblys boıynsha búginde kólik jolynyń 60 paıyzy jaqsy jaǵdaıda. Jalpy jol da turǵyn úı nemese kólik sekildi kútip ustap, ony jóndeýdi talap etedi. Josparymyzǵa sáıkes 2022-2023 jyldary jóndeý jumystarynan soń oblys boıynsha joldyń 95 paıyzy asfalt bolady», - deıdi ol.




Sondaı-aq, «QazAvtoJol» Jambyl oblystyq fılıalynyń basshysy, kelesi jyly «Shý- Blagoveenko» jobasy qurylysynyń bastalatynyn aıtty.

Aıta keteıik, «QazAvtoJol» ulttyq kompanııasy AQ «Ortalyq-Ońtústik» baǵytyndaǵy Nur-Sultan – Qaraǵandy – Balqash - Prıozersk – Býrylbaıtal - Shý – Almaty aımaqtaryndaǵy joldardyń salyný barysyn tanystyryp, kórsetý maqsatynda baspasóz týryn uıymdastyrdy.














Joǵary qaraı