Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2025 jylǵa deıin elimizde 102 myń jańa turaqty jumys orny ashylady

2021 jyldyń 15 qazan 2021 13:57

NUR-SULTAN. QazAqparat – «Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósý» ulttyq jobasyn júzege asyrýǵa 15,9 trln teńge jumsalady, dep habarlaıdy QazAqparat tilshisi.

QR Ulttyq ekonomıka mınıstrligi ázirlegen ulttyq jobany qarjylandyrýdyń jalpy kólemi 15,9 trln teńgeni quraıdy. Onyń ishinde respýblıkalyq bıýdjette 402 mlrd teńge qarastyrylǵan. Al 15,5 trln teńgeni jeke ınvestıtsııalar tartý qamtý kózdelgen.

Ulttyq jobany iske asyrý nátıjesi 2025 jyly 102 myńnan astam jańa turaqty jumys orny ashylady. Eńbek ónimdiligi 20 paıyzdan astamǵa ósip, óńdeý ónerkásibi ónimderin óndirý kólemi 1,5 esege ulǵaıtylady. Shıkizattyq emes eksport 41 mlrd AQSh dollaryna deıin eki ese artady. Jańartylatyn energııa kózderinen óndiriletin elektr energııasynyń úlesi generatsııanyń jalpy kóleminiń 6 paıyzyn quraıtyn bolady.

«Ulttyq joba Jalpyulttyq basymdyqtardy jáne eldi damytýdyń 2025 jylǵa deıingi ulttyq josparyn iske asyrý úshin qalyptastyryldy jáne 2025 jylǵa qaraı ornyqty ekonomıkalyq ósimi 5 paıyzdan tómen emes deńgeıde qamtamasyz etýge baǵyttalǵan», - dep atap ótedi Ulttyq ekonomıka mınıstrliginen.

Aıta keteıik, QR Prezıdenti Jarlyǵymen «Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósý» ulttyq jobasy bekitilgen bolatyn. Joba 5 baǵyttan turady jáne 6 negizgi mindet pen 13 kórsetkish aıqyndalǵan.



Joǵary qaraı