Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

2025 jylǵa deıin Qazaqstanda 2400 MVt ekologııalyq taza energııa iske qosylady

2022 jyldyń 3 mamyr 2022 13:32

NUR-SULTAN. QazAqparat – Aldaǵy jyldary 2400 MVt ekologııalyq taza energııa iske qosylady. Bul týraly Energetıka mınıstri Bolat Aqsholaqov aıtty, dep habarlaıdy QazAqparat tilshisi.


«Jumys oryndary 13 ınvestıtsııalyq kelisimdi iske asyrý jolymen jumys istep turǵan elektr stantsııalaryn jańǵyrtýdy júzege asyrý kezinde qurylady. 1600 MVt qosymsha qýat iske qosylady. 2025 jylǵa qaraı eldiń ońtústik óńirlerinde manevrlik rejımi bar, jıyntyq qýaty shamamen 1 000 MVt bý-gaz qondyrǵylaryn salý jónindegi jobalardy aıaqtaý boljanyp otyr. Sondaı-aq, 2025 jylǵa deıin 2400 MVt ekologııalyq taza energııany iske qosý josparlanǵan», - dedi B. Aqsholaqov.

Onyń aıtýynsha, Qazaqstannyń birtutas elektr energetıkalyq júıesiniń Batys aımaǵynyń elektr jelilerin kúsheıtý boıynsha «KEGOC» AQ Batys Qazaqstan men Atyraý oblystary arasynda 220 kV tranzıttiń ekinshi tizbegin salý jónindegi jobany bastady.

«Sonymen qatar Almaty qalasynyń kabeldik jelilerin qaıta jańartý júrgiziletin bolady. Atalǵan jobalarda 21 myń jumys orny iske qosylady dep josparlanyp otyr. Onyń arasynda 1 000 turaqty jáne 20 000 ýaqytsha jumys ornyn qurýǵa múmkindik bar», - dedi mınıstr.

Budan buryn habarlanǵandaı, Bolat Aqsholaqov munaı-gaz jobalary aıasynda 2,5 myń turaqty jáne 12 myń ýaqytsha jumys orny qurylatynyn aıtty.


Joǵary qaraı