Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2025 jylǵa qaraı 22 myń nysan múgedekterge qoljetimdi bolady

2021 jyldyń 23 qarasha 2021 17:09

NUR-SULTAN. QazAqparat – 2025 jylǵa qaraı elimizde 22 myń nysan múgedekti jandardyń kirip-shyǵýyna yńǵaıly bolady. Bul jaıynda QR Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıteti tóraǵasynyń orynbasary Anarhan Dúısenova aıtty, dep habarlaıdy QazAqparat tilshisi.

Onyń aıtýynsha, búgingi tańda «Múgedek adamdardy áleýmettik qorǵaý» aqparattyq portalynda (inva.gov.kz) óńirler turǵysynda Nysandardyń qoljetimdiligi kartasy jumys istep tur. Onda el boıynsha 35 myńnan astam áleýmettik ınfraqurylym nysandarynyń múgedek jandarǵa beıimdelýi týraly málimetter qamtylǵan. Atalǵan nysandar qoljetimdiliktiń 3 sanatyna bólingen: qoljetimdi, ishinara qoljetimdi, qoljetimdi emes. Qoljetimdilik múgedektigi bar 4 sanatyna qatysty qarastyrylǵan. Atap aıtqanda, adam aǵzasy fýnktsııalarynyń buzylý sıpaty, estý, kórý, tirek-qımyl apparaty buzylǵan adamdar jáne tek kreslo-arbalarmen júrip-turý múmkindigi bar adamdarǵa eskerilgen.

«2025 jylǵa deıingi kezeńde 22 myń nysan eń basym bolyp belgilendi. Bul birinshi kezekte - memlekettik mekemeler, HQKO, emhanalar, densaýlyq saqtaý, bilim berý, mádenıet jáne sport nysandary sııaqty múgedektigi bar adamdar jıi baratyn nysandar», - dedi Anarhan Dúısenova Ortalyq kommýnıkatsııalar qyzmetindegi baspasóz máslıhatynda.


Joǵary qaraı