Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2025 jylǵa munaı-gaz-hımııa ónimderi 2 mln tonnaǵa deıin ulǵaıtylady

2021 jyldyń 30 qarasha 2021 10:37

NUR-SULTAN. QazAqparat – 2021 jyldyń 10 aıynda munaı-gaz-hımııa ónimderiniń óndiris kólemi 147 myń tonnany qurady. Bul týraly Úkimet otyrysynda QR Energetıka mınıstri Maǵzum Myrzaǵalıev aıtty, dep habarlaıdy QazAqparat tilshisi.

«2021 jyly munaı-gaz-hımııa ónimderin óndirý boıynsha 2 joba paıdalanýǵa berildi. Olar: qýaty jylyna 57 myń tonna bolatyn benzınge arnalǵan oktan kóteretin qospa shyǵaratyn zaýyt; qýaty 57 mln tekshe metr azot jáne 34 mln tekshe metr qurǵaq syǵylǵan aýa óndiretin tehnıkalyq gaz shyǵarý zaýyty. 2022 jyly qýaty jylyna 500 myń tonna polıpropılen óndiretin zaýytty paıdalanýǵa berý josparlanǵan. Búgingi tańda qurylys-montajdaý jumystary júrgizilýde. Jobany iske asyrýdyń jalpy progresi 96 paıyzdy quraıdy», - dedi óńdeý ónerkásibin damytý týraly baıandaǵan mınıstr.

Onyń atap ótýinshe, munan bólek, 2025 jylǵa deıin eki zaýyttyń qurylysyn aıaqtaý josparlanýda. Atap aıtqanda Atyraý oblysynda qýaty jylyna 430 myń tonna polıetılentereftalat óndiretin zaýyt pen Batys Qazaqstan oblysynda qýaty jylyna 130 myń tonna metanol óndirý zaýyty paıdalanýǵa beriledi.

«Joǵaryda kórsetilgen jobalardy iske asyrý 2025 jylǵa qaraı shyǵarylatyn munaı-gaz-hımııa óniminiń kólemin 2 mln tonnaǵa deıin ulǵaıtýǵa múmkindik beredi. Al tartylǵan ınvestıtsııalar somasy 1,2 trln teńgeni quraıtyn bolady», - dedi Maǵzum Myrzaǵalıev.


Joǵary qaraı