Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2025 jyly 100 myń muǵalim qajet bolady

2021 jyldyń 3 jeltoqsan 2021 13:57

NUR-SULTAN. QazAqparat – 2025 jyly 100 myń muǵalim qajet bolady. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Eger mektep qurylysy máselesin aıtar bolsaq, Táýelsizdik jyldarynyń ishinde 2 myńnan astam mektep salyndy. Endi Memleket basshysynyń tapsyrmasyna sáıkes, bıyldan bastap 2025 jyly keminde 1 myń mektep salý mindeti aldymyzda tur. Qazir oqýshy orny tapshylyǵyna qatysty úlken problemany kórip otyrmyz. Bıyl 150 myń túlek mektep bitirip shyqsa, al 1 synypqa 400 myńǵa jýyq balany qabyldadyq. Bir jyldaǵy aıyrmashylyqtyń ózi 250 myń balany qurap otyr. Mektepterdi salmasaq, 2025 jylǵa qaraı keminde 1 mln qosymsha oqý orny qajettiligi týyndaıdy. Problemany aldyn ala sheshý úshin Prezıdent taǵy 1 myń mektep salýǵa tapyrma berdi», - dedi mınıstr QR Prezıdenti janyndaǵy Adam quqyqtary jónindegi komıssııa otyrysynda.

Onyń atap ótýinshe, jeltoqsan aıynda 200-den astam mektep paıdalaýǵa beriledi. Osylaısha, 2025 jylǵa deıin 1 000 jańa mektep salynady.

«Bir myń mektep keminde 100 myń jańa pedagogıkalyq mólsherlemeni qosymsha qurýdy talap etedi. Bizge 100 myń muǵalim qajet bolady. Dál osy jaıt aıtarlyqtaı úlken syn-tegeýrin bolmaq. Bizge sapaly kadrlarmen jáne materıaldyq-tehnıkalyq qamtamasyz etý qajet. Osy mindetti sheshý baǵytynda jumys istep jatyrmyz», - dedi Ashat Aımaǵambetov.


Joǵary qaraı