Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2032 jylǵy Olımpıada Oıyndary Aýstralııadaǵy Brısben qalasynda ótetin boldy

2021 jyldyń 21 shilde 2021 18:12

TOKIO. Kyodo-QazAqparat – Halyqaralyq Olımpıada komıtetiniń sheshimimen 2032 jylǵy Olımpıada Oıyndary Aýstralııanyń Brısben qalasynda ótetin boldy. Bul týraly Tokıoda ótken HOK sessııasynan keıin málim etildi, dep habarlaıdy QazAqparat Kyodo agenttigine silteme jasap.

Aýstralııada Olımpıada Oıyndary alǵash ret 1956 jyly Melbýrnde, ekinshi ret 2000 jyly Sıdneıde bolǵan. Endi Brısben osy eldiń dúbirli doda ótetin úshinshi qalasy atanyp otyr.

«Halyqaralyq Olımpıada komıteti 35-shi Olımpıadanyń Aýstralııadaǵy Brısben qalasynda ótetinin habarlaıdy», - dedi HOK basshysy Tomas Bah.

Oıynǵa qatysý ótinishin Aýstralııa Olımpıada komıtetiniń prezıdenti jáne HOK vıtse-prezıdenti Djon Koýts usynǵan.

Oıyndar 2032 jyly 23 shildede bastalmaq.

HOK-tyń Atqarý komıteti biraýyzdan Brısben qalasyn 2032 jyldyń maýsymynda qabyldaýshy tarap retinde usyndy. Osy jyldyń aqpan aıynda HOK bul qalanyń Oıyndardy ótkizýge qolaıly jer ekenin aıtqan.

Kvınslend premer-mınıstri Anasteısha Palaýk pen Brısben meri Adrıan Shrınnerdiń basshylyǵymen aýstralııalyq delegatsııa HOK sessııasynyń múshelerine óz qalalarynyń artyqshylyqtary týraly aıtyp berdi. Aýstralııanyń premer-mınıstri Skott Morrıson Japonııaǵa kele almady. Óıtkeni ol Londondaǵy G7 sammıtine baryp kelgennen keıin eki aptalyq karantınnen ótýde.

Premer-mınıstr sessııaǵa beınebaılanys arqyly qosyldy.

«Aýstralııa men Kvınslend úkimeti oıyndarǵa daıyndyq kezinde júzege asatyn ınfraqurylymdyq jobalardy tolyǵymen qarjylandyrady», - dedi ol.

2,2 mln halqy bar Brısben – Aýstralııanyń aýmaǵy boıynsha úshinshi iri qalasy jáne Kvınslend shtatynyń astanasy. Ol eldiń JІÓ-niń 9%-yn quraıdy.

Al 2024 jáne 2028 jylǵy Jazǵy Oıyndar Parıj jáne Los-Andjeles qalalarynda ótpek.


Basty sózder: Álem, Olımpıada, Sport,
Joǵary qaraı