Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

21 qazanda ótetin Senat otyrysynyń kún tártibi bekitildi

2021 jyldyń 18 qazan 2021 16:42

NUR-SULTAN. QazAqparat - Senat spıkeri Máýlen Áshimbaevtyń tóraǵalyǵymen Palata bıýrosynyń otyrysy ótti. Onda depýtattar 21 qazanda ótetin Senat otyrysynyń kún tártibin bekitti, dep habarlaıdy QazAqparat.

Soǵan sáıkes aldaǵy palata otyrysynda senatorlar «Respýblıkalyq bıýdjettiń atqarylýyn baqylaý jónindegi esep komıtetiniń múshesin qyzmetine taǵaıyndaý týraly» usynymdy qaraıdy.

Sonymen qatar kún tártibinde eki zań jobasy qaralady. Olardyń biri – «Kaspıı teńiziniń teńiz ortasyn qorǵaý jónindegi negizdemelik konventsııaǵa Kaspıı teńizin jerústi kózderinen jáne qurlyqta júzege asyrylatyn qyzmet nátıjesinde lastanýdan qorǵaý jónindegi hattamany ratıfıkatsııalaý týraly» zań jobasy. Atalǵan qujat teńiz ortasynyń jerústi kózderinen lastanýyn boldyrmaýǵa jáne azaıtýǵa yqpal etedi. Odan bólek, hattamany ratıfıkatsııalaý eń ozyq qoljetimdi tehnologııa men tabıǵatty qorǵaý tájirıbesin paıdalanýǵa múmkindik beredi.

Sondaı-aq depýtattar aldaǵy otyrysta «Qazaqstan Respýblıkasynyń keıbir zańnamalyq aktilerine memlekettik satyp alý, jer qoınaýyn paıdalanýshylar men tabıǵı monopolııalar sýbektileriniń satyp alýy, baılanys, avtomobıl kóligi jáne qorǵanys máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda qaraıdy. Zań jobasy memlekettik satyp alýdy erekshe jaǵdaılarda ǵana tikeleı shart jasasý arqyly bir kózden alý tásilimen júzege asyrýdy kózdeıdi.

Odan bólek, bıýro otyrysynda buǵan deıin Májilisten kelip túsken «2004 jylǵy 22 jeltoqsandaǵy Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy «Baıqońyr» ǵarysh aılaǵynda «Báıterek» ǵarysh zymyran keshenin qurý týraly kelisimge ózgerister men tolyqtyrýlar engizý týraly hattamany ratıfıkatsııalaý týraly» zań jobasy jumys úshin Senattyń Halyqaralyq qatynastar, qorǵanys jáne qaýipsizdik komıtetine berildi.


Basty sózder: Senat,
Joǵary qaraı