Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

21 qyrkúıekte elordada ótetin mańyzdy sharalar ańdatpasy

2021 jyldyń 20 qyrkúıek 2021 21:19

NUR-SULTAN. QazAqparat – «QazAqparat» halyqaralyq aqparat agenttigi 21 qyrkúıek kúni elordada ótetin mańyzdy sharalar ańdatpasyn usynady.

NUR-SULTAN

9.00-de Úkimet úıinde kezekti Úkimet otyrysy ótedi. Kún tártibinde egin jınaý naýqany jáne Pavlodar oblysy Ekibastuz qalasynyń áleýmettik-ekonomıkalyq damýynyń 2025 jylǵa deıingi keshendi jospary qaralady. Otyrystyń tikeleı taratylymy PrimeMinister.kz saıtynan, Mail.kz, Aitube.kz portaldarynan, YouTube resmı arnasynan, Facebook, Twitter, «VKontakte» áleýmettik jelilerinen kórsetiledi.

11.00-de «Esil» aýdanynyń polıtsııa basqarmasynda «Servıstik polıtsııa modeli: ýchaskelik ınspektorlardyń jumysyndaǵy jańa ádister men respýblıkalyq «Ýchaske» profılaktıkalyq is -sharasynyń barysy» taqyrybynda brıfıng ótedi.

14.00-de Nur-Sultan qalasyndaǵy QR Ulttyq akademııalyq kitaphanasynda «Qazirgi álemdegi qoǵamnyń mádenı-tarıhı murasyn saqtaýdaǵy kitaphananyń róli» halyqaralyq konferentsııa ótedi. Sharany QR Tuńǵysh Prezıdenti – Elbasy kitaphanasy men QR Ulttyq akademııalyq kitaphanasy uıymdastyrady.

15.00-de Indýstrııa jáne ınfraqurylymdyq damý mınıstriniń birinshi orynbasary Berik Kamalıev Májilis depýtattaryna kólik máseleleri boıynsha zańnamalyq túzetýler jobasyn usynady. Jańa zań jobasyn talqylaý palatanyń Ekonomıkalyq reforma jáne Óńirlik damý jónindegi komıtetinde ótedi. Otyrys www.parlam.kz saıtynda onlaın kórsetiledi.

ALMATY

18.30-da Chaplin Mega Alma-Ata kınoteatrynda qazaqstandyq-japondyq «Barymtashylar. Ýaqyt joldary» fılminiń tusaýkeseri ótedi. Oǵan rejısserler Erlan Nurmuhambetov pen Lıza Takeba, aktrısa Samal Eslıamova, akter Dýlyǵa Aqmolda jáne fılmniń túsirilim toby qatysady. «Barymtashylar. Ýaqyt joly» fılminiń óndirisine Qazaqstan tarapynan Sh.Aımanov atyndaǵy «Qazaqfılm» AQ, japon tarapynan – «Tokyo New Cinema» kompanııasy atsalysqan. Týyndy jylqy baǵýmen aınalysatyn qarapaıym otbasy týraly baıandaıdy. Bir kúni jylqy úshin adam óltirýden taıynbaıtyn barymtashylar otaǵasyn óltiredi. 12 jasar Oljas barymtashylardyń qolynan mert bolǵan ákesiniń ólimine qaıǵyryp, zulymdyqpen kúresip, otbasyna túsken aýyrtpalyqty qaryndastarymen birge kóteredi. Qorǵansyz qalǵan Oljastyń otbasyna ǵaıyptan paıda bolǵan bógde bireý qolushyn sozady.


Avtor Aıjan Serikjanqyzy
Basty sózder: Qoǵam,
Joǵary qaraı