Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

21 maýsym. Týǵan kún ıeleri

2021 jyldyń 21 maýsym 2021 08:08

NUR-SULTAN. QazAqparat - Búgin, ıaǵnı 21 maýsymda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER




55 jyl buryn (1966) Jezqazǵan qalasynyń ákimi Qaırat Bektaıuly ÁBSATTAROV dúnıege keldi.

Jezqazǵan qalasynda týǵan. 1990 jyly Qaraǵandy polıtehnıkalyq ınstıtýtyn, 1998 jyly O.A. Baıqońyrov atyndaǵy Jezqazǵan ýnıversıtetin, Máskeý qalasyndaǵy «MISıS» ulttyq zertteý tehnıkalyq ýnıversıtetin bitirgen.

Eńbek joly: 1998-2003 jyldary – Jezqazǵan oblysy ákiminiń apparatynda avtokólik salasynyń óndiristik kásiporyndarynda jumys istedi; Qazaqstan Respýblıkasynyń Strategııalyq josparlaý jáne reformalaý jónindegi agenttiginiń, Qazaqstan Respýblıkasy Prezıdenti Ákimshiliginiń qyzmetkeri. 2003-2006 jyldary – Qazaqstan Respýblıkasy Aqparattandyrý jáne baılanys agenttiginiń bólim basshysy. 2006-2010 jyldary – «Qazaqtelekom» AQ atqarýshy dırektory, bas ákimshilik dırektory. 2010-2012 jyldary – Qazaqstan Respýblıkasy Baılanys jáne aqparat mınıstrliginiń jaýapty hatshysy. 2012-2013 jyldary – Qazaqstan Respýblıkasy Kólik jáne kommýnıkatsııa mınıstrliginiń vıtse-mınıstri. 2013 jyldyń naýryz-qazan aılarynda – Qazaqstan Respýblıkasy Kólik jáne kommýnıkatsııa mınıstrligi Kóliktik baqylaý komıtetiniń tóraǵasy. 2013-2015 jyldary – Qazaqstan Respýblıkasy Eńbek jáne halyqty áleýmettik qorǵaý vıtse-mınıstri. 2015 jyly QR Premer-Mınıstri Keńsesiniń Óńirlik damý bóliminiń meńgerýshisi boldy. 2015-2018 jyldary – bıznesti qamtamasyz etý boıynsha «Qazatomónerkásip» UAK» AQ Bas dırektory - Basqarma múshesi. 2018-2019 jyldary – «Azamattarǵa arnalǵan úkimet» memlekettik korporatsııasy» KEAQ Basqarma tóraǵasynyń orynbasary. 2019-2020 jyldary – «Azamattarǵa arnalǵan úkimet» memlekettik korporatsııasy» KEAQ Basqarma tóraǵasynyń birinshi orynbasary.

Qazirgi qyzmetinde 2020 jyldyń tamyz aıynan beri.

«Qurmet» ordenimen, Qazaqstan Konstıtýtsııasyna 10 jyl», «Qazaqstan táýelsizdigine 10 jyl», «Qazaqstan Respýblıkasynyń táýelsizdigine 20 jyl» medaldarymen marapattalǵan.





53 jyl buryn (1968) Ulttyq jobalardyń iske asyrylýyn monıtorıngteý ofısiniń basshysy Arman Qaıratuly EVNIEV dúnıege keldi.

Soltústik Qazaqstan oblysynda dúnıege kelgen. 1990 jyly – Omby aýyl sharýashylyǵy ınstıtýtyn (agronomııa) bitirgen. 2001 jyly – QR Prezıdenti janyndaǵy Memlekettik qyzmet akademııasyn bitirgen (memlekettik basqarý). 2002 jyly – Qaraǵandy ınstıtýtyn bitirgen.

Eńbek joly: 1985-1990 jyldary – keńshar jumyskeri. 1990-1994 jyldary – Soltústik Qazaqstan oblysynyń «Stepnoı» sovhozynyń agronomy, bas agronom. 1994-1999 jyldary – Soltústik Qazaqstan oblysynyń Máskeý aýdanynyń XXV Partsezd atyndaǵy aýyldyń agronomy, «Novoýzenskoe» JShS dırektory. 1999-2000 jyldary – Soltústik-Qazaqstan oblysynyń Aqqaıyń aýdany ákiminiń orynbasary, aýyl sharýashylyǵy basqarmasynyń basshysy. 2001-2002 jyldary – QR Parlamenti májilisiniń apparat sektorynyń keńesshisi, meńgerýshisi, QR Parlamenti májilisiniń apparatynda óńirlik damý jáne ekonomıkalyq reformalar jónindegi komıteti bóliminiń meńgerýshisi. 2002-2005 jyldary – QR Aýyl sharýashylyǵy mınıstrliginiń eginshilik sharýashylyǵy departamentiniń dırektory. 2005-2006 jyldary – QR aýyl sharýashylyǵy mınıstrliginiń vıtse-mınıstri. 2006-2007 jyldary – QR aýyl sharýashylyǵy mınıstrliginiń eginshilik sharýashylyǵy departamentiniń dırektory. 2007-2008 jyldary – «Ońtústik» ÁKK basqarma tóraǵasynyń orynbasary. 2008-2010 jyldary – QR Aýyl sharýashylyǵy mınıstrliginiń vıtse-mınıstri. 2011 jyly – «Jetisý» ÁKK» UK» AQ basqarma tóraǵasynyń orynbasary, Qazaqstannyń AÓK iskerlik keńesiniń tóraǵasy, 2013-2016 jyldary - QR Aýyl sharýashylyǵy mınıstrliginiń jaýapty hatshysy. 2016-2017 jyldary – Qazaqstan Respýblıkasy Prezıdenti Ákimshiliginiń memlekettik ınspektory. 2018 jyldyń qańtary 2019 jyldyń naýryzy – QR Aýyl sharýashylyǵy mınıstrliginiń birinshi vıtse-mınıstri. 2020-2021 jyldary – Qazaqstan Respýblıkasy Prezıdenti janyndaǵy Memlekettik basqarý akademııasynyń Memlekettik basqarýdaǵy jobalyq menedjmentti damytý ortalyǵynyń basshysy.

Qazirgi qyzmetinde – 2021 jyldyń aqpanynan.





50 jyl buryn (1971) Qazaqstan Respýblıkasy Joǵarǵy sotynyń sýdıasy Asan Qaırollauly ESKENDІROV dúnıege keldi.

Kókshetaý qalasynda týǵan. 1996 jyly E.A.Bóketov atyndaǵy Qaraǵandy memlekettik ýnıversıtetin «zańger» mamandyǵymen támamdaǵan.

Eńbek joly: Kókshetaý oblysy Іshki ister bólimi basqarmasynyń sarapshysy (1991-1994), Kókshetaý oblysy ádilet basqarmasynyń konsýltanty, jetekshi mamany, bas mamany (1994-1996), Kókshetaý qalasy sotynyń sýdıasy (1996-1998), Astana qalasy Almaty aýdanynyń sýdıasy (1998-1999), Aqmola oblystyq sotynyń sýdıasy (1999-2002), Aqmola oblystyq mamandandyrylǵan aýdanaralyq ekonomıkalyq sotynyń tóraǵasy (2002-2008), Pavlodar oblystyq mamandandyrylǵan aýdanaralyq ekonomıkalyq sotynyń tóraǵasy (2008-2012), Aqmola oblystyq soty azamattyq jáne ákimshilik ister jónindegi apellıatsııalyq sot alqasynyń tóraǵasy (2012-2015).

Qazirgi qyzmetinde – 2015 jyldyń jeltoqsanynan.





48 jyl buryn (1973) Qazaqstan Respýblıkasynyń bas kólik prokýrory Ernat Muhametqalıuly SYBANQULOV dúnıege keldi. Almaty oblysynda dúnıege kelgen.

Ál-Farabı atyndaǵy Qazaq ulttyq ýnıversıtetin «quqyqtaný» mamandyǵy boıynsha bitirgen.

Ol eńbek jolyn prokýrordyń kómekshisi laýazymynan bastaǵan. Keıinnen Almaty qalasy Medeý aýdany prokýrorynyń aǵa kómekshisi, Almaty qalasy Túrksib jáne Medeý aýdany prokýrorynyń orynbasary, Almaty qalasy Eńbekshiqazaq, Almaly jáne Medeý aýdany prokýrory, Jambyl oblysy prokýrorynyń orynbasary, Almaty oblysy prokýrorynyń birinshi orynbasary boldy. 2012 jyldan 2017 jylǵa deıin Jambyl oblysy prokýrorynyń laýazymyn atqardy. 2017-2019 jyldary Atyraý oblysy prokýratýrasyn basqaryp kelgen.

Qazirgi qyzmetinde – 2019 jyldyń sáýirinen.


Basty sózder: Kúntizbe,
Joǵary qaraı