Aýa raıy
Astana 5 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

21 maýsymda kún tutylady

2020 jyldyń 20 maýsym 2020 02:27

NUR-SULTAN. QazAqparat - Aldaǵy jeksenbi kúni qazaqstandyqtar, sondaı-aq Azııa, Afrıka jáne Taıaý Shyǵys elderiniń halqy kúnniń erekshe tutylýyna kýá bolady, dep habarlaıdy QazAqparat.

Bul astronomııalyq qubylys, ıaǵnı kúnniń sheńberlenip tutylýy Aı Jerden barynsha alystap, óziniń ellıptıkalyq orbıtasynda turǵanda bolady. Sondyqtan ol kúnniń jıegin tolyq jappaıdy, dep habarlaıdy v-kosmose.com resýrsy.

Jarııalanǵan baqylaý tizimine súıensek, Nur-Sultanda kúnniń tutylýy 21 maýsym saǵat 11:30 kezinde bastalyp, kúndizgi 13:42-ge deıin jalǵasady. Bul qubylys shamamen saǵat 12:35 kezinde anyq kórinedi.

Almatyda kúnniń tutylýyn 11:16-dan bastap 14:06-ǵa deıin tamashalaýǵa bolady. Ásirese 12:40 shamasynda anyqtap qaraýǵa keńes beremiz.

Mamandardyń aıtýynsha, bul Kúnniń 2020 jylǵy eń qysqa jáne eń anyq sheńberlenip tutylýy bolmaq.

Olar mundaı astronomııalyq qubylysty arnaıy kún fıltrin qoldana otyryp tamashalaý kerektigin eske salady.


Avtor Janat Qapalbaeva
Basty sózder: Ǵarysh, Qoǵam, Álem,
Joǵary qaraı