Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

21 shilde. Týǵan kún ıeleri

2021 jyldyń 21 shilde 2021 08:08

NUR-SULTAN. QazAqparat – QazAqparat 21 shildege arnalǵan «Týǵan kún ıeleri» kúntizbesin usynady.

ESІMDER




61 jyl buryn (1960) Qazaqstan Respýblıkasy Parlament Májilisiniń VII shaqyrylym depýtaty, Qarjy jáne bıýdjet komıtetiniń múshesi Irına Vladımırovna SMIRNOVA dúnıege keldi.

Qyrǵyz SSR Ystyqqól oblysynda týǵan. 1977-1983 jyldary – Abaı atyndaǵy Qazaq pedagogıkalyq ınstıtýtyn bitirgen, mamandyǵy - «orta mekteptiń bıologııa páni muǵalimi».

1979-1983 jyldary – Jambyl oblysyndaǵy №22 orta mektebiniń bıologııa páni muǵalimi. 1983-1984 jyldary - SSSR AShM ǴZI laboranty.

1984-1991 jyldary - Jambyl oblysy №22 orta mektebiniń bıologııa páni muǵalimi, synyptan tys jáne shtattan tys jumys uıymdastyrýshy.

1991-1993 jyldary - Kókshetaý oblysy Rýzaevka aýylynda Rýzaev orta mektebinde synyptan tys jáne shtattan tys jumys uıymdastyrýshy, dırektordyń oqý-tárbıe jumysy boıynsha orynbasary, Rýzaev orta mektebiniń dırektory.

1993 jyly – Almaty qalasyndaǵy № 91 orta mektep dırektorynyń oqý-tárbıe jumysy jónindegi orynbasary.

1996-2006 jyldary – Almaty qalasyndaǵy № 68 orta mektep dırektory.

2010-2011 jyldary – Almatydaǵy № 9 oqýshylar úıiniń dırektory.

2011-2016 jyldary – Almaty qalasyndaǵy №48 mektep-lıtseıiniń dırektory.

2016-2021 jyldary – Qazaqstan Respýblıkasy Parlament Májilisiniń VI shaqyrylym depýtaty, Qarjy jáne bıýdjet komıtetiniń múshesi.

Qazirgi qyzmetinde 2021 jylǵy qańtardan bastap.

«Qazaqstan Respýblıkasynyń bilim berý úzdigi» tósbelgisimen, «Qazaqstan Konstıtýtsııasyna 10 jyl» medalimen, «Qurmet» ordenimen, «Qazaqstan Parlamentine 10 jyl» medalimen, «Medeý aýdanyn damytýǵa qosqan úlesi úshin» medalimen, «ál-Farabı atyndaǵy Qazaq ulttyq ýnıversıtetine 80 jyl» medalimen, «Qazaqstan Konstıtýtsııasyna 25 jyl» medalimen marapattalǵan.





58 jyl buryn (1963) «Qazaqstandyq medıtsına uıymdarynyń alıansy» respýblıkalyq qoǵamdyq birlestiginiń basqarma tóraǵasy Dáýlethan Serǵazyuly ESІMOV dúnıege keldi.

Kókshetaý oblysynda týǵan. Qaraǵandy memlekettik medıtsınalyq ınstıtýtyn (1985) jáne Qaraǵandy Qazaq tutynýshylar odaǵy ekonomıkalyq ýnıversıtetin (2001) támamdaǵan.

Eńbek joly: Torǵaı oblystyq aýrýhanasynda ıntern dáriger (1985-1986); Torǵaı oblystyq stomatologııalyq emhanasynda tis dárigeri (1986-1988); Arqalyq qalasyndaǵy ortalyq qalalyq aýrýhanada hırýrg (1988-1990); Arqalyq qalasynyń birikken aýrýhanasynda hırýrg (1990-1994); Aqmola medıtsınalyq ýnıversıtetinde assıstent (1995); Aqmola oblystyq aýrýhanasynda dáriger (1995-1996); MMSQ Aqmola oblystyq bólimi dırektorynyń orynbasary, dırektorynyń mindetin oryndaýshy (1997-1999); Respýblıkalyq klınıkalyq aýrýhana bóliminiń meńgerýshisi (2000-2001); «Shyn-Zar» stomatologııalyq emhanasynda dáriger (2001-2003); RMQK «Medıtsınalyq qyzmettiń sapasyn taldaý jáne baǵalaý ulttyq ortalyǵynyń» Astana qalasy boıynsha fılıaly bóliminiń basshysy (2003-2005); QR DSM Medıtsınalyq qyzmetter kórsetý salasynda qadaǵalaý komıteti basqarmasynyń basshysy (2005-2007); QR DSM Medıtsınalyq qyzmetter kórsetý salasynda qadaǵalaý komıteti dırektorynyń orynbasary (2007-2009); QR DSM Medıtsınalyq qyzmetter kórsetý salasynda qadaǵalaý komıteti tóraǵasynyń orynbasary (06.2009-11.2009); QR DSM Medıtsınalyq jáne farmatsevtıkalyq qyzmetti qadaǵalaý komıteti tóraǵasynyń orynbasary (11.2009-12.2009); Astana qalasy Densaýlyq saqtaý basqarmasynyń basshysy (2009-2011); QR DSM Medıtsınalyq jáne farmatsevtıkalyq qyzmetti qadaǵalaý komıteti tóraǵasynyń orynbasary (2011-2013); QR DSM Medıtsınalyq jáne farmatsevtıkalyq qyzmetti qadaǵalaý komıteti tóraǵasy (2013); QR Densaýlyq saqtaý jáne áleýmettik damý mınıstrliginiń «Respýblıkalyq densaýlyqty saqtaýdy damytý ortalyǵy» bas dırektorynyń orynbasary (2014-2016). Ulttyq densaýlyq saqtaý palatasynyń tóraǵasy (2016-2018).

Qazirgi qyzmetinde – 2018 jyldan bastap.





43 jyl buryn (1978) Qaraǵandy oblysy ákiminiń orynbasary Abzal Núkenuly NÚKENOV dúnıege keldi.

Almaty oblysynyń Aqsý aýdanynda týǵan. 1995-2000 jyldary «saıasattaný» mamandyǵy boıynsha Ál-Farabı atyndaǵy QazUÝ-dy támamdaǵan. Saıası ǵylymdar kandıdaty (2004 j.)

Eńbek joly: 2000-2005 jyldary – «Otan» partııasy Ortalyq apparatynyń ıdeologııalyq bólimi sektorynyń meńgerýshisi, konsýltant. 2005-2006 jyldary – Almaty qalasy ákimdiginiń Іshki saıasat departamentiniń úkimettik emes uıymdar jáne dinı birlestiktermen jumys bóliminiń bastyǵy. 2006 jylǵy qyrkúıekte Almaty oblysy Áýezov aýdany ákiminiń orynbasary bolyp taǵaıyndaldy. 2009-2011 jyldary – L. Gýmılev atyndaǵy Eýrazııalyq ulttyq ýnıversıtetiniń Zamanaýı zertteý ınstıtýtynyń dırektory. 2011-2016 jyldary – QR Qaýipsizdik Keńesi Ahýaldyq ortalyǵy sektorynyń meńgerýshisi, meńgerýshi orynbasary, meńgerýshisi. 2016-2018 jyldary – Qazaqstan Respýblıkasy Din isteri jáne azamattyq qoǵam vıtse-mınıstri. 2018-2019 jyldary – «Astana» halyqaralyq ǵylymı kesheniniń Dırektorlar keńesi tóraǵasynyń orynbasary.

«Eren eńbegi úshin» medalimen marapattalǵan.

Qazirgi qyzmetinde – 2019 jyldyń qyrkúıek aıynan bastap.





39 jyl buryn (1982) Qazaqstan Respýblıkasy Ulttyq ekonomıka mınıstrligi janyndaǵy basqarýshy keńestiń tóraǵasy Oljas Ábdimálikuly QUDAIBERGENOV dúnıege keldi.

Túrkistanda týǵan. 2001 jyly ıAsaýı atyndaǵy halyqaralyq qazaq-túrik ýnıversıtetin «Halyqaralyq ekonomıkalyq qatynastar» mamandyǵy boıynsha bitirgen.

Budan bólek KIMEP ýnıversıtetinde (2003) bilim alǵan. Ekonomıkanyń túrli sektorynda basshylyq qyzmetterde istedi.

QR Ulttyq bank tóraǵasynyń keńesshisi (2014), Qazaqstan Respýblıkasy Prezıdentiniń shtattan tys keńesshisi boldy (2019-2020).

Qazaqstan Respýblıkasy Prezıdenti janyndaǵy Áleýmettik-ekonomıkalyq reformalardy taldaý jáne monıtorıng ortalyǵynyń múshesi (02.2020-09.2020).

Qazirgi qyzmetinde 2020 jylǵy qyrkúıek aıynan bastap.


Basty sózder: Kúntizbe,
Joǵary qaraı