Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

الماتىدا ماس كۇيىندە كولىك ايداعان 21 جۇرگىزۋشى ۇستالدى

2022 jyldyń 29 mamyr 2022 08:34

الماتى. قازاقپارات- الماتىدا ماس كۇيىندە كولىك ايداعان 21 جۇرگىزۋشى ۇستالدى، دەپ حابارلايدى قازاقپارات ءتىلشىسى.

الماتىنىڭ جەرگىلىكتى پوليتسيا قىزمەتى، 25- مامىردا باستالعان رەيدتىك ءىس-شارانىڭ ارالىق قورىتىندىسىن شىعارۋ بارىسىندا وسىنداي مالىمەتتەردى كەلتىرەدى.

«ءتورت كۇننىڭ ىشىندە قالا جولدارىندا 768 جول قوزعالىسى ەرەجەسىن بۇزۋ دەرەگى انىقتالدى. ولاردىڭ ىشىندە، 56 كولىك مەملەكەتتىك تىركەۋ ءنومىرىنسىز جۇرسە، 15 كولىك جالعان مەملەكەتتىك نومىرمەن جۇرگەن. كولىگىن تەحنيكالىق بايقاۋدان وتكىزبەگەن 34 جۇرگىزۋشى اكىمشىلىك جاۋاپكەرشىلىككە تارتىلدى. سونداي-اق، 2 كولىك مامانداندىرىلعان ايىپپۇل تۇراعىنا قويىلدى، ولارعا دىبىس جانە جارىق سيگنالدارىن بەرەتىن قۇرىلعىلار ورناتىلعان. سونىمەن قاتار، ماس كۇيىندە كولىك ايداعان 21 جۇرگىزۋشى ۇستالدى»، - دەدى الماتى قالالىق جەرگىلىكتى پوليتسيا قىزمەتى باسقارماسى باستىعىنىڭ ورىنباسارى ەرجان ۇزابايەۆ.

سپيكەر جولدارداعى رەيدتىك شارالاردىڭ جالعاساتىنىن اتاپ ءوتتى.

ول جولدىڭ قاتەلىكتى كەشىرمەيتىنىن ەسكە سالىپ، بارشا جول قوزعالىسىنا قاتىسۋشىلاردى جول ەرەجەسىن قاتاڭ ساقتاۋعا شاقىردى.

Basty sózder: ايماق,
Joǵary qaraı