Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

22 qańtar. QazAqparat kúntizbesi

2021 jyldyń 22 qańtar 2021 07:00

NUR-SULTAN. QazAqparat - QazAqparat oqyrmandaryna 2021 jylǵy 22 qańtarǵa arnalǵan kúntizbesin usynady.

ESTE QALAR OQIǴALAR

1992 jyly Almatyda Qazaqstan Respýblıkasy men Mońǵolııa arasynda dıplomatııalyq qarym-qatynas ornatý týraly hattamaǵa qol qoıyldy.

1993 jyly Elbasy N.Á.Nazarbaevtyń Jarlyǵymen Qazaqstan Ǵylym akademııasynyń ataýy Ulttyq ǵylym akademııasy bolyp ózgertilip, respýblıkalyq joǵary ǵylymı mekeme mártebesi berildi.

2010 jyly Almatyda Qazaq ulttyq ónerin órkendetý jolynda eren eńbegimen tanylǵan qylqobyzshy-pedagog, Bilim jáne ǵylym mınıstrliginiń Qurmetti qyzmetkeri Ábdimanap Jumabekulynyń úsh tomdyq «Qylqobyzǵa arnalǵan hrestomatııalar» jınaǵynyń birinshi tomynyń tanystyrylymy boldy.

2011 jyly Dúnıejúzilik dopıngke qarsy agenttik Almatydaǵy dopıng-synama júrgizetin jańa zerthananyń akkredıtatsııasyn maquldady. Zerthana protsedýradan tabysty ótip, 2011 jyldan bastap jumys istep keledi.

2013 jyly «Batys Eýropa-Batys Qytaı» kólik dálizin salý barysynda júrgizilgen qazba nátıjesinde bizdiń dáýirge deıin ekinshi myńjyldyqqa jatatyn kómbeler tabyldy (altyn, qoladan buıymdar, aǵash astaý, keramıkalyq ydystar jáne basqa). Tabylǵan jádigerler QR Mádenıet jáne aqparat mınıstrligine berildi.

2013 jyly Shymbulaq kýrortynda eń bıik taýly arqandy park retinde Gınnestiń rekordtar kitabyna enýdi josparlap otyrǵan «Kazakh alpine park» birinshi kásibı arqandy parktiń ashylýy ótti. Búkil álemde teńiz deńgeıinen 2 250 metr bıiktikte mundaı qurylysty eshkim jasaǵan joq.

2014 jyly Almatyda halyq jazýshysy, aqyn Qadyr Myrzalıevke arnalǵan memorıaldyq taqta ornatyldy. Qadyr Myrzalıev 50-den astam óleńder jınaǵynyń, ádebı, synı jáne balalar kitaptarynyń, sonymen qatar 200-den astam án mátinderiniń avtory. Onyń kóptegen óleńderi orys, aǵylshyn, frantsýz, fın, lıtva, qyrǵyz, tatar jáne álemniń basqa tilderine aýdarylǵan.

2015 jyly Shyńjań-Uıǵyr avtonomııalyq ólkesiniń Altaı okrýginde qazaq halyq medıtsınasy men ulttyq at sporty oıyndary memlekettik sanattaǵy materıaldyq emes mádenı muranyń keńeıtilgen ókildi tizimine resmı engizildi.

2016 jyly Qazaqstan Respýblıkasynda birtutas sot praktıkasyn qalyptastyrýǵa múmkindik beretin sot isiniń biryńǵaı jikteýishi quryldy, bul óz kezeginde zań ústemdigin qamtamasyz etýdiń mańyzdy sharty sanalady.

2019 jyly Italııanyń iri astyq egetin kompanııalary qatty bıdaıdyń jańa sorttaryn shyǵarýǵa respýblıkalyq aýqymda daýsyz kóshbasshy bolyp tabylatyn A.I. Baraev atyndaǵy Astyq sharýashylyǵy ǵylymı-óndiristik ortalyǵyna tapsyrys berdi.

2018 jyly kásiporyndaǵy jazdyq bıdaıdyń ónimdiligi – 22,5 ts/ga. Dálme-dál eginshilik polıgondary boıynsha ortasha ónimdilik 25,9 ts/ga bolsa, dástúrli eginshilik tehnologııasymen egilgen eginniń ónimdiligi 18,7 ts/ga qurady.

Aýdan men oblys boıynsha ortasha ónimdilik sáıkesinshe 12,2 jáne 12,7 ts/ga boldy.

2020 jyly Mınsk qalasynda TMD Ǵarysh jónindegi memleketaralyq keńestiń birinshi otyrysy ótti. Reseı, Belarýs, Qazaqstan, Armenııanyń ǵarysh salasy basshylarynyń, TMD Atqarýshy komıteti, Eýrazııalyq ekonomıkalyq komıssııa ókilderiniń qatysqan TMD Ǵarysh jónindegi Memleketaralyq keńesi otyrysynyń kún tártibinde GLONASS (jahandyq navıgatsııalyq spýtnıktik júıe) júıesiniń sıgnaldaryn paıdalanatyn jerústi ınfraqurylymdaryn ıntegratsııalaý boıynsha yntymaqtastyq, ǵarysh salasyndaǵy birlesken jobalardy iske asyrý máselesi qaraldy.

Ǵarysh jónindegi Memleketaralyq keńestiń ekinshi otyrysyn Qazaqstanda ótkizý josparlanyp otyr.

2020 jyly «Astana Operada» Abaıdyń 175 jyldyq mereıtoıynyń resmı ashylýy zor jetistikpen ótti. Teatrdyń uly aqyn, fılosof, aǵartýshyǵa arnaǵan is-sharalarynyń alǵashqysy Ahmet Jubanov, Latıf Hamıdıdiń áıgili «Abaı» operasy boldy.


Basty sózder: Kúntizbe,
Joǵary qaraı