Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

22 qyrkúıekte avıakerosın bırjalyq saýdasy bastalady

2021 jyldyń 21 qyrkúıek 2021 16:11

NUR-SULTAN. QazAqparat - Qazaqstan Respýblıkasy Bırjalyq komıtetiniń munaı ónimderi jónindegi shaǵyn komıteti otyrysynyń 2021 jylǵy 13 qyrkúıektegi qorytyndysy boıynsha reaktıvti qozǵaltqyshtarǵa (avıakerosınge) arnalǵan otynnyń bırjalyq saýdasyn 2021 jylǵy 22 qyrkúıekten bastap iske qosý týraly sheshim qabyldandy, dep habarlaıdy QazAqparat.

QR Básekelestikti qorǵaý jáne damytý agenttigi baspasóz qyzmetiniń habarlaýynsha, Saýda-sattyq Qazaqstan Respýblıkasynyń Bırjalyq komıteti bekitken taýar bırjalary arqyly munaı ónimderin kóterme saýdada ótkizý jónindegi usynymdar (sektsııalyq Qaǵıdalar) negizinde ótkiziletin bolady. Satýshy retinde resýrs ustaýshylar, satyp alýshy retinde munaı ónimderin kóterme jetkizýshiler men áýejaılar qatysady.

Reaktıvti qozǵaltqyshtarǵa arnalǵan otyndy taýar bırjalary arqyly ótkizý kólemin «Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» Qazaqstan Respýblıkasynyń Zańyna sáıkes QR Energetıka mınıstrligi belgileıdi.

Munaı ónimderi saýda-sattyǵynyń uıymdastyrýshylary retinde bırjalyq komıtet eki taýar bırjasyn («Eýrazııalyq saýda júıesi «taýar bırjasy» AQ jáne «Kaspıı «taýar bırjasy» AQ) usyndy, saýda quraldaryn, jetkizý erekshelikteri men bazısterin ýákiletti organ – Qazaqstan Respýblıkasy Energetıka mınıstrligi bekitti.

«Avıakerosın saýda-sattyq kestesimen Básekelestikti qorǵaý jáne damytý agenttiginiń resmı telegramm-kanalynan tanysa alasyzdar AZRK#novostı#analıtıka (https://t.me/sovetpobaryeram),-delingen habarlamada.


Joǵary qaraı