Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

22 jastaǵy qaraǵandylyq Telegtam arqyly esirtki satýshy bolyp ornalasqan

2021 jyldyń 11 sáýir 2021 16:14

TEMІRTAÝ. QazAqparat – Temirtaý qalasynyń 22 jastaǵy turǵyny esirtkini jarnamalaǵany úshin 15 jylǵa deıin sottalýy múmkin. Tártip saqshylary jigitti ustaǵan kezde odan 4 kg sıntetıkalyq esirtki tapqan, dep habarlaıdy QazAqparat tilshisi.

Temirtaý qalasy polıtsııa basqarmasynyń tergeý bólimi QR Qylmystyq kodeksiniń 297-baby 3-bóligi jáne 299-1-baptary boıynsha 22 jastaǵy temirtaýlyq turǵynǵa qatysty esirtki quraldaryn satý jónindegi saıtty nasıhattaǵany jáne jarnamalaǵany úshin is júrgizip, sotqa joldady.

2020 jyldyń jeltoqsan aıynda Temirtaý qalasynyń polıtsııa basqarmasy patrýldik polıtsııa batalonynyń qyzmetkerleri qala kóshelerin patrýldeý kezinde 22 jastaǵy jigitti toqtatyp, onda ózimen birge jalpy salmaǵy 4,309 gramm PvP sıntetıkalyq esirtkisi bar 10 polımerlik túıinshek bolǵanyn anyqtaǵan. Aıta ketý kerek, bul asa iri mólsher bolyp tabylady.

«Buryn sottalmaǵan jas jigit, jumysy bar, jýyrda sábıli bolǵan. Tez jáne ońaı aqsha tabýdy sheship, Telegram messendjeri arqyly esirtkini belgilengen jerge jasyrýshy bolyp ornalasqan. Ol úshin aldymen, qala ǵımarattarynyń syrtyna osy dúkenniń jarnamasy bar on graffıtı sýret salýy kerek bolǵan. Bul jumysty atqarǵannan keıin shartta belgilengen qosymshany júktep alyp, akkaýntty tirkegen. Psıhoaktıvti zattardy satatyn ınternet-dúkenniń kýratorynyń talabyn oryndap, odan baılanyssyz jolmen esirtkini alǵan. Keıin olardy belgilengen jerge jasyrý arqyly satýy tıis boldy. Alaıda, qajetti aqshaǵa qoly jetpesten, er adam jumysynan jáne otbasynan aıyryldy. Oǵan 10 jyldan 15 jylǵa deıingi merzimge bas bostandyǵynan aıyrý jazasy taǵaıyndalýy múmkin», - dep habarlady Qaraǵandy oblysy PD baspasóz qyzmetinen.


Joǵary qaraı