Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

23 shilde el aýmaǵynda jańbyr jaýyp, jel kúsheıedi

2021 jyldyń 23 shilde 2021 02:20

NUR-SULTAN. QazAqparat - «Qazgıdromet» boljamyna sensek, erteń 23 shildede respýblıkanyń basym bóliginde atmosferalyq fronttardyń áserinen turaqsyz aýa raıy saqtalady. El aýmaǵynda jańbyr, batysta nóser jaýyn jaýady, dep habarlaıdy QazAqparat.

Tek elimizdiń soltústigi men ońtústiginde jaýyn-shashyn jaýmaıdy, kún ashyq bolady.

Batysta jáne ońtústikte keı jerlerde shańdy daýyl kúsheıedi, respýblıkanyń batysy men shyǵysynda burshaq jaýady.

Batys Qazaqstan oblysynyń keı jerlerinde burshaq jaýyp, daýyl turady. Jel ekpini - 15-20 m/s.

Shyǵys Qazaqstan, Qaraǵandy, Almaty, kúndiz Soltústik Qazaqstan, Qostanaı oblystarynyń keı jerlerinde jel qarqyny 15-20 m/s deıin kúsheıedi.

Kúndiz Shyǵys Qazaqstan oblysynyń keı jerlerinde burshaq jaýady.

Mańǵystaý oblysynyń keı jerlerinde tuman túsedi, kúndiz jel jyldamdyǵy sekýndyna 15-20 metrge jetedi.

Kúndiz Almaty, Jambyl, Aqtóbe, Atyraý, Qostanaı, Mańǵystaý oblystarynyń basym bóliginde, Qaraǵandy oblysynyń ońtústiginde qatty ystyq saqtalady. Aqmola, Soltústik Qazaqstan, Qyzylorda oblystarynyń basym bóliginde, Túrkistan oblysynyń keı jerlerinde aptap ystyq bolady.

Qyzylorda, Túrkistan, Mańǵystaý, Jambyl oblystarynyń basym bóliginde, Almaty, Atyraý, Batys Qazaqstan, Aqtóbe, Qostanaı, Qaraǵandy, Aqmola oblystarynyń keı jerlerinde, Shyǵys Qazaqstan oblysynyń ońtústiginde tótenshe órt qaýpi saqtalady.

Basty sózder: Qazgıdromet, Aýa raıy,
Joǵary qaraı