Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

24-25 qazanda Qasym-Jomart Toqaev Túrikmenstanǵa memlekettik saparmen barady

2021 jyldyń 22 qazan 2021 15:16

NUR-SULTAN. QazAqparat - Qazaqstan Prezıdenti Qasym-Jomart Toqaev Prezıdent Gýrbangýly Berdimuhamedovtiń shaqyrýy boıynsha 24-25 qazanda Túrikmenstanǵa memlekettik saparmen barady, dep habarlaıdy QazAqparat.

Bul jaıynda Prezıdenttiń baspasóz hatshysy Berik Ýálı Instagram paraqshasynda málim etti.

«Sapar barysynda eki el basshylary shaǵyn jáne keńeıtilgen quramda kelissózder júrgizedi dep josparlanǵan. Kelissózderde saýda-ekonomıkalyq, kólik-tranzıttik jáne mádenı-gýmanıtarlyq salalardaǵy Qazaqstan men Túrikmenstannyń strategııalyq seriktestigin nyǵaıtýdyń perspektıvalary qarastyrylmaq» dep jazady Berik Ýálı.

Sonymen qatar óńirlik kún tártibindegi ózekti máseleler jóninde pikirler ortaǵa salynady.

Sapar qorytyndysy boıynsha birqatar ekijaqty qujatqa qol qoıylady dep kútilýde.


Joǵary qaraı