Aýa raıy
Astana -17 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

24 qazan. Týǵan kún ıeleri

2020 jyldyń 24 qazan 2020 08:10

NUR-SULTAN. QazAqparat - Búgin, ıaǵnı 24 qazan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER




60 buryn (1960) Nur-Sultan qalalyq sotynyń tóraǵasy Tilektes Esheıuly BÁRPІBAEV dúnıege keldi.

Almaty oblysy, Jambyl aýdany, Qastek aýylynda dúnıege kelgen. 1981-1986 jyldary S.M. Kırov atyndaǵy Qazaq memlekettik ýnıversıtetinde bilim aldy.

Mamandyǵy boıynsha eńbek jolyn 1986-1987 jyldary Qaskelen qalasyndaǵy ІІB ınspektory bolyp bastady. 1987-1990 jyldary – Jambyl aýdandyq ІІB tergeýshisi. 1992-1995 jyldary – Jambyl aýdandyq sotynyń sýdıasy. 1995-1999 jyldary – Jambyl aýdandyq sotynyń tóraǵasy. 1999-2002 jyldary – Almaty oblystyq sotynyń tóraǵasy. 2002-2003 jyldary – Almaty qalalyq soty azamattyq ister boıynsha sot alqasynyń tóraǵasy. 2003-2007 jyldary – Ońtústik Qazaqstan oblystyq sotynyń tóraǵasy. 2007-2012 jyldary – Almaty qalalyq sotynyń tóraǵasy. 2012-2013 jyldary – Almaty oblystyq sotynyń tóraǵasy. 2013-2019 jyldary Astana qalalyq sotynyń tóraǵasy.

Qazirgi qyzmetinde 2019 jylǵy naýryzdan beri.

«Qurmet» ordeni (2012), «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005), «Qazaqstan Respýblıkasynyń táýelsizdigine 20 jyl» (2011) mereıtoılyq medaldarmen jáne Qazaqstan Respýblıkasy Prezıdentiniń alǵys hatymen (2001) marapattalǵan.




56 jyl buryn (1964) Qazaqstan Respýblıkasynyń ındýstrııa jáne ınfraqurylymdyq damý birinshi vıtse-mınıstri Qaıyrbek Aıtbaıuly ÓSKENBAEV dúnıege kelgen.

KSRO Іshki ister mınıstrliginiń Qaraǵandy Joǵary mektebin, L.N. Gýmılev atyndaǵy Eýrazııa ulttyq ýnıversıtetiniń Dıplomatııalyq akademııasyn bitirgen. Ekonomıka ǵylymdarynyń kandıdaty.

Indýstrııa jáne saýda, týrızm jáne sport mınıstrlikterinde basshylyq qyzmetter atqardy. 2007-2011 jyldary QR Týrızm jáne sport vıtse-mınıstri, 2013-2014 jyldary Óńirlik damý mınıstriniń birinshi orynbasary, 2014 jyldyń tamyz aıynan 2016 jyldyń mamyr aıyna deıin QR Ulttyq ekonomıka mınıstriniń orynbasary; «Báıterek» Ulttyq basqarýshy holdıngi» AQ basqarýshy dırektory (2016-2018). Qazaqstan Respýblıkasynyń ınvestıtsııalar jáne damý vıtse-mınıstri (2018-2019).

Qazirgi laýazymyn atqarýǵa 2019 jyldyń naýryzynda kiristi.

«Astana», «Qazaqstan Respýblıkasy Táýelsizdiginiń 10 jyldyǵyna oraı» medaldarymen marapattalǵan.




52 jyl buryn (1968) Nur-Sultan qalasy polıtsııa departamentiniń basshysy Erjan Saparbekuly SÁDENOV dúnıege kelgen.

Shyǵys Qazaqstan oblysynda týǵan. S.Amanjolov atyndaǵy Shyǵys Qazaqstan memlekettik ýnıversıtetin (1993); QR Ulttyq qaýipsizdik komıteti Qaraǵandy joǵary mektebin (1998) bitirgen.

Eńbek joly: Іshki ister organdarynda 1993 jylǵy shildeden bastap orta jáne aǵa basqarýshy quramnyń ártúrli jedel laýazymdarynda qyzmet atqarǵan. Basshylyq laýazymdardaǵy tájirıbesi mol. Ár jyldary Rıdder, Óskemen qalalary polıtsııa basqarmalarynyń, Shyǵys Qazaqstan oblysy Polıtsııa departamentiniń Esirtki bıznesine qarsy kúres basqarmasynyń bastyǵy, Mańǵystaý oblysynyń Polıtsııa departamenti bastyǵynyń birinshi orynbasary, ІІM Jedel departament bastyǵy, Kóliktegi Polıtsııa departamentiniń bastyǵy bolyp qyzmet etti. 2016 jylǵy maýsymnan bastap Qazaqstan Respýblıkasy Іshki ister mınıstrligi Aqmola oblysynyń Polıtsııa departamentiniń bastyǵy laýazymyn atqardy.

2019 jylǵy sáýir aıynan bastap – qazirgi qyzmetinde.




34 jyl buryn (1986) Ýkraına «Naftogaz» UAQ ken oryndaryn barlaý jáne óńdeý blogynyń basshysy Sanjar Serikbaıuly JARKEShOV dúnıege kelgen.

Qaraǵandy oblysynda týǵan. Qazaq ekonomıka, qarjy jáne halyqaralyq saýda ýnıversıtetin qarjy mamandyǵy boıynsha (1995), Ostın qalasy Tehas ýnıversıtetin (AQSh) munaı-gaz ınjınırıngi mamandyǵy boıynsha (2010) támamadaǵan.

Eńbek joly: Ostın Munaı jáne geojúıe ınjınırıng ortalyǵynda ǵylymı qyzmetker (2008-2010); Kalıfornııa, Kolorado jáne Tehas shtattary boıynsha burǵylaý ınjeneri (AQSh); Burǵylaý boıynsha aǵa ınjener, Irak; Burǵylaý boıynsha bas ınjener (Sahalın araly); ExxonMobile korporatsııasynyń aǵa jobalaýshy ınjeneri, Atyraý (2010-2016); Kásiptik sýpervaızer bastyǵy, Merlin ERD kompanııasynda burǵylaýdyń jetekshi ınjeneri, Pert (Shotlandııa) (2016-2018); basqarýshy keńesshi, McKinsey and Company kompanııasynyń munaı salasyndaǵy jahandyq sarapshy, London (Ulybrıtanııa) (2018-2019). Qazaqstan Respýblıkasy Ekologııa, geologııa jáne tabıǵı resýrstar vıtse-mınıstri (2019-2020).

Qazirgi laýazymynda - 2020 jyldyń mamyrynan beri.


Basty sózder: Kúntizbe,
Joǵary qaraı