Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

24 mamyr. Týǵan kún ıeleri

2022 jyldyń 24 mamyr 2022 08:10

NUR-SULTAN. QazAqparat – Búgin, ıaǵnı 24 mamyrda tulǵalardan kimder dúnıege kelgen? QazAqparat oqyrmandarǵa esimder kúntizbesin usynady.

ESІMDER




50 jyl
buryn (1972) Respýblıkalyq bıýdjettiń atqarylýyn baqylaý jónindegi Esep komıtetiniń tóraıymy Natalıa Nıkolaevna GODÝNOVA dúnıege kelgen.

Oral qalasynda týǵan. Batys Qazaqstan aýyl sharýashylyǵy ınstıtýtyn (ekonomıst mamandyǵy boıynsha), Reseı Federatsııasy Úkimetiniń janyndaǵy Qarjy akademııasyn bitirgen. Eńbek jolyn 1993 jyly «Oral Agroónerkásipbankte» ekonomıst bolyp bastaǵan. Batys Qazaqstan aýmaqtyq memlekettik múlikti jáne aktıvterdi basqarý komıtetiniń jetekshi mamany, bólim bastyǵy, Batys Qazaqstan oblysy ákimi apparatynyń bólim meńgerýshisi, Batys Qazaqstan oblystyq Ekonomıka jáne bıýdjettik josparlaý departamentiniń dırektory (1997 - 2005); Qazaqstan Respýblıkasynyń Reseı Federatsııasyndaǵy Saýda ókilidiginde keńesshi-ekonomıst (2005-2006 ); Mańǵystaý oblysy ákiminiń keńesshisi (2006-2009); Qazaqstan Respýblıkasynyń Reseı Federatsııasyndaǵy Saýda ókildiginiń konsýltanty, orynbasary, mindetin atqarýshy (2009-2011); Qazaqstan Respýblıkasy Premer-Mınıstri orynbasarynyń keńesshisi (2012-2013); Qyzylorda oblysy ákiminiń orynbasary, ekonomıka, qarjy jáne jumyspen qamtý máselelerine jetekshilik etti (2013-2015); «Nur Otan» partııasynyń hatshysy, «Nur Otan» partııasynyń Saıası keńesi Bıýrosynyń múshesi (2015-2017); Qazaqstan Respýblıkasy Ortalyq saılaý komıssııasynyń múshesi (2017-2018); 2018 jylǵy aqpannan beri qazirgi qyzmetinde. Qazaqstan Respýblıkasynyń Qurmet gramotasy (2008) jáne «Qurmet» ordenimen (2016) marapattalǵan.




48 jyl buryn (1972) Qazaqstan Respýblıkasy Qarýly Kúshteri joǵary qolbasshylyǵynyń ókili, avıatsııa general-leıtenanty Nurlan Janaıdaruly QARBENOV dúnıege kelgen.

Qostanaı oblysynda týǵan. Ekaterınbýrgtegi Sývorov áskerı ýchılıesin (1989); 1994 jyly Kachınsk joǵary áskerı avıatsııalyq ushqyshtar ýchılıesin; 2001 jyly ıÝ.A. Gagarın atyndaǵy RF QM Áskerı-áýe akademııasyn; 2011 jyly RF QK Bas shtabynyń Áskerı akademııasyn bitirdi. 2001 jylǵy shildede akademııany támamdaǵan soń avıatsııalyq bazanyń avıatsııalyq eskadrılıa komandıri bolyp taǵaıyndaldy. Sodan keıin shtab bastyǵy - avıatsııalyq baza komandıriniń orynbasary, ári qaraı avıatsııalyq baza komandıri qyzmetin atqardy. 2011 jylǵy jeltoqsanda Áskerı-áýe kúshteri qolbasshysynyń birinshi orynbasary - QR QK Áýe qorǵanysy kúshteri Áskerı-áýe kúshteri shtabynyń bastyǵy bolyp taǵaıyndaldy. 2013 jylǵy qarashadan bastap Áýe qorǵanysy kúshteri bas qolbasshysynyń (jaýyngerlik daıarlyq jónindegi) orynbasary - QR QK Áýe qorǵanysy kúshteri bas qolbasshysy basqarmasy jaýyngerlik jáne dene daıarlyǵy basqarmasynyń bastyǵy laýazymynda qyzmet atqardy. 2016 jyldyń qańtarynan jeltoqsanyna - QR QK Áýe qorǵanysy kúshteri bas qolbasshysynyń birinshi orynbasary, 2016-2017 jyldary Qazaqstan Respýblıkasy Qarýly Kúshteri Bas shtaby bastyǵynyń orynbasary laýazymynda qyzmet atqardy. 2017-2020 jyldary Qazaqstan Respýblıkasy Qarýly Kúshteri Áýe qorǵanysy kúshteriniń bas qolbasshysy.

ІІ dárejeli «Aıbyn» ordenimen marapattalǵan. Mereıtoılyq jáne eńbek sińirgen jyldary boıynsha 6 medal ıegeri.




34 jyl buryn (1988) aýyr atletıkadan álemniń tórt dúrkin chempıony, Qyzylorda qalasyndaǵy «Muz aıdyny» kesheniniń dırektory Ilıa Aleksandrovıch ILЬIN dúnıege keldi.

Qyzylorda qalasynda týǵan. Qorqyt Ata atyndaǵy Qyzylorda memlekettik ýnıversıtetiniń dene shynyqtyrý fakýltetin bitirgen. 2001 jylǵy jeltoqsanda Semeıde ótken el chempıonatynda Qyzylorda qalasynyń mektep oqýshysy 13 jasar aýyr atlet arnaıy júldege ıe boldy. 2005 jyly 17 jasynda jasóspirimder arasyndaǵy álem chempıony boldy. Sol jyly 15 qarashada Katardyń Doha qalasynda 2005 jylǵy chempıonattyń tańdaýly aýyr atleti atandy. 2006 jyly Qytaıda jastar arasyndaǵy álem chempıony atandy. Osy jyly Santo-Domıngoda 94 keli salmaq sanatynda álem chempıony boldy. 2006 jyldyń jeltoqsanynda Katardaǵy Azııa oıyndarynda 94 keli salmaqta 401 keli nátıjemen chempıon atandy. 2008 jyly Beıjiń Olımpıadasynda jeńimpaz bolyp, altyn medaldy jeńip aldy. 2010 jyly Qazaqstannyń jáne Azııa oıyndarynyń chempıony. 2011 jyly Parıjde úsh dúrkin álem chempıony atandy. 2012 jyly London Olımpıadasynyń chempıony atandy, 2014 jyly Almatyda ótken álem chempıonatynda tórtinshi ret jeńiske jetti. 2016 jyly dopıng daýyna baılanysty eki Olımpıadadaǵy nátıjeleri qaıta qaralyp, HOK tártiptik komıssııasynyń sheshimimen Olımpıadanyń altyn medaldarynan aıyryldy.




28 jyl buryn (1994 jyl) álemdik deńgeıdegi tanymal ánshi, kompozıtor, mýltıınstrýmentalıst Dımash (Dinmuhammed) Qanatuly QUDAIBERGEN dúnıege keldi.

Aqtóbe qalasynda týǵan. Dımashtyń ata-anasy – tanymal ánshiler Qanat jáne Sveta Aıtbaevtar. Ol alǵash ret spektaklde oınap, kópshilikke tanyla bastady. Bes jasynda tuńǵysh ret mýzykalyq kolledj sahnasynda án salǵan. Alty jasynda «Aınalaıyn» respýblıkalyq baıqaýynyń «Fortepıano» nomınatsııasynda jeńimpaz atandy. 2010 jyly «Baıqonyrdyń Ásem daýystary» Halyqaralyq festıvaliniń І júlde laýreaty atandy. 2012 jyly «Jas qanat» Respýblıkalyq jas án oryndaýshylar baıqaýynyń Gran-prı júldesine ıe bolyp, osy jyly «Vostochnyı bazar» Halyqaralyq baıqaýynda І júlde laýreaty atandy. 2013 jyly Dımash Qudaıbergen «Meıkın Azııa» І Halyqaralyq festıvaliniń jeńimpazy boldy. Sonymen qatar Vıtebsk qalasynda ótken XXIV Halyqaralyq estradalyq án oryndaýshylar «Slavıan bazary-2015» baıqaýynda Gran-prı jeńip alǵan. 2015 jyly 28 qazan kúni Ystanbulda Dımash Qudaıbergen «Abu TV» Halyqaralyq Azııa-Tynyq muhıt festıvalinda Qazaqstan Respýblıkasynyń atynan alǵash ret qatysty. Ol 2014 jyly Dımash Ahmet Jubanov atyndaǵy mýzykalyq kolledjde akademııalyq án oryndaý synybyn támamdap, Qazaq Ulttyq óner ýnıversıtetiniń «estrada óneri» fakýltetine tústi. Dımash qazaq, aǵylshyn, orys, qytaı, serb, ıtalıan, frantsýz, taǵy basqa tilderde án oryndaıdy. Dımash Qudaıbergenov Qytaıdyń I am a singer (Men ánshimin) telebaıqaýyna qatysyp, saıystyń barlyq kezeńinen ótip ekinshi oryndy jeńip aldy. Atalǵan jobany Qytaıdyń eń iri Hunan TV telearnasy kórsetedi. 2017 jyly Azııanyń «Gremmıi» sanalatyn «Top Chinese Music Award» syılyǵyn «Azııanyń eń tanymal ánshisi» atalymynda jeńiske jetti. Kóptegen halyqaralyq júldelerdiń ıegeri.


Basty sózder: Kúntizbe,
Joǵary qaraı