Aýa raıy
Astana -26 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

25 adam «Bolashaq» stıpendııasynan aıyryldy

2020 jyldyń 30 qazan 2020 12:29

NUR-SULTAN. QazAqparat - 25 adam «Bolashaq» stıpendııasynan aıyryldy. Bul týraly Halyqaralyq baǵdarlamalar ortalyǵynyń prezıdenti Aınur Kárbozova aıtty, dep habarlaıdy QazAqparat tilshisi.

«Shetelde kadrlar daıarlaý jónindegi respýblıkalyq komıssııanyń kezekti otyrysy ótti. Komıssııanyń kún tártibinde eki másele boldy. Birinshi - konkýrstyq irikteýden ótken úmitkerlerge «Bolashaq» halyqaralyq stıpendııasyn taǵaıyndaý týraly, ekinshi - «Bolashaq« halyqaralyq stıpendııasynyń jekelegen ıelerin kelisimshart mindettemesin oryndamaýyna baılanysty odan aıyrý týraly. Konkýrstyq irikteýdiń eki kezeńinen sátte ótken 57 úmitkerge stıpendııa taǵaıyndaldy», - dedi Aınur Kárbozava otyrystan keıin BAQ ókilderine bergen suhbatynda.

Sonymen qatar ol ekinshi másele boıynsha kelisimshart mindettemesin oryndamaǵan 25 stıpendııatqa qatysty jan-jaqty qaralyp, olardy stıpendııadan aıyrý týraly sheshim qabyldanǵanyn atap ótti.

«Ekinshi máselege qatysty aıtar bolsam, ol akademııalyq baǵdarlama aıaqtalǵannan keıin magıstr dárejesin almaǵan, sonymen qatar oqýyn aıaqtamaǵan stıpendııattarǵa qatysty boldy. Búgingi komıssııa mundaı 25 sheshim shyǵardy. Olar kelisimshart mindettemelerin oryndamaǵandary úshin stıpendııadan aıyryldy. Endi olarmen memleket aldyndaǵy bereshekterin ótetý boıynsha jumys júrgiziledi. Atalǵan azamattar oqýlaryna jumsalǵan barlyq shyǵyndardy óteýi tıis», - dedi ol.


Avtor Marlan Jıembaı
Basty sózder: Bolashaq, Bilim,
Joǵary qaraı