Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

25 mln teńgeni jymqyrǵan Shymkent balalar aýrýhanasynyń bas dárigeri men esepshisi sottaldy

2021 jyldyń 22 qańtar 2021 20:08

NUR-SULTAN. QazAqparat – Shymkentte iri kólemde qarjy jymqyrdy degen kúdikke ilingen oblystyq balalar aýrýhanasynyń bas dárigeri men bas esepshisi sottaldy. Bul týraly AntikorNEWS alańynda QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov aıtty, dep habarlaıdy QazAqparat tilshisi.

«Shymkent qalasy Qarataý aýdandyq sotynyń úkimimen Túrkistan oblysy densaýlyq saqtaý basqarmasyna qarasty oblystyq balalar aýrýhanasynyń bas dárigeri A.A.Maımaqov 4 jyl 2 aı merzimge bas bostandyǵynan aıyryldy», - deıdi QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov.

Sondaı-aq, aýrýhananyń bas esepshisi de jaýapkershilikke tratyldy.

«Bas býhgalter B.T.Narbaeva zańdy uıymdarda materıaldyq jaýapty tulǵa laýazymyn atqarý quqyǵynan 5 jylǵa aıyryldy. Sonymen qatar oǵan 7 jyl merzimge bas bostandyǵynan aıyrý jazasy (QR QK 63-babyn eskere otyryp, bas bostandyǵynan aıyrý merzimi shartty bolyp sanalady) taǵaıyndaldy. Olar 25 mln teńgeden astam bıýdjet qarajatyn jymqyrý kúdigine ilingen», - dedi ol.


Joǵary qaraı