Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

26 shilde. QazAqparat kúntizbesi

2021 jyldyń 26 shilde 2021 07:00

NUR-SULTAN. QazAqparat – QazAqparat oqyrmandaryna 2021 jylǵy 26 shildege arnalǵan kúntizbesin usynady.

ESTE QALAR OQIǴALAR

1920 jyly Sovetter sezinde Sáken Seıfýllın Aqmola atqarý komıteti músheligine qabyldandy jáne komıtet tóraǵasynyń orynbasary bolyp taǵaıyndaldy.

1968 jyly 6000 sóz ben túsinik engen «Abaı tili sózdigi» jaryq kórdi.

1989 jyly Qazaq SSR Kompartııasy OK janyndaǵy komıssııa qazaqtyń kórnekti jazýshysy, qoǵam qaıratkeri, qazaq prozasyndaǵy eń alǵashqy roman «Baqytsyz Jamaldyń» avtory Mirjaqyp Dýlatovtyń shyǵarmalaryna durys baǵasyn berip, olardy jarııalaý týraly, ádilettilikti qalyptastyrý týraly qorytyndy shyǵardy.

1999 jyly Qazaqstan Respýblıkasynyń «Barys» ordeni bekitildi. Bul orden Qazaqstan Respýblıkasynyń memlekettigi men egemendigin nyǵaıtý icine; beıbitshilikti, qoǵamnyń toptasýy men Qazaqstan halkynyń birligin qamtamasyz etýge; memlekettik, óndiristik, ǵylymı, áleýmettik-mádenı jáne qoǵamdyq qyzmette; halyqtar arasyndaǵy yntymaqtastyqty nyǵaıtýǵa; ulttyq mádenıetterdi jaqyndastyrý men ózara baıytýǵa; memleketter arasyndaǵy dostyq qatynastardy damytýǵa cińipgen erekshe eńbegi úshin tabystalady. «Barys» ordeniniń úsh dárejesi bar.

2012 jyly halyq aspaptaryn jetik meńgergen, pavlodarlyq jas mýzykant Erasyl Ádilbekov Rımını qalasynda (Italııa) ótken «Italiana sıqyry – 2012» balalar jáne jastar shyǵarmashylyǵy halyqaralyq konkýrs-festıvaliniń bas júldesin jeńip aldy.

2015 jyly Almatyda oqýshylar arasynda ınformatıkadan (IOI-2015) XXVII Halyqaralyq olımpıada ótti. Bundaı shara Qazaqstanda alǵash ret uıymdastyryldy. Oǵan álemniń 86 elinen 630-dan astam delegat qatysty.

2015 jyly Ybyraı Jaqaev atyndaǵy Qyzylorda ǵylymı-zertteý ınstıtýtynyń ǵalymdary Reseıdiń «Kýraj» jáne Qazaqstannyń «Elıta» kúrish suryptaryn býdandastyrý jolymen «Arý» atty jańa kúrish surpyn aldy.

2016 jyly Eýrazııa jazýshylar odaǵynyń aı saıynǵy «Kardesh kalemler» jýrnaly bir nómirin tolyqtaı jyr alyby Jambyl Jabaevqa arnady.

2017 jyly Býdapeshte sý sporty túrleri boıynsha FINA álem birinshiliginde júzgish Ádil Qasqabaı 100 metr qashyqtyqta qulashtap júzýden mejege 50 sekýndta kelip, uzaq ýaqyttan beri alǵash ret Qazaqstan rekordyn ornatty.

2017 jyly «Ejelgi Taraz – Astana» etnografııalyq kerýeni Astanaǵa 300-ge jýyq mýzeı eksponatyn ákeldi. Elorda turǵyndary men qonaqtar «Taraz – tarıhtyń altyn dińgegi» kórmesinde Taraz qalasynyń 2000 jyldyq tarıhymen tanysý múmkindigine ıe boldy.

2018 jyly Eýropa habar taratý odaǵy Qazaqstandy Junior Eurovision-2018 qatysýshysy dep jarııalady. Qazaqstan alǵash ret qatysqan «Eýrovıdenıe-2018» balalar baıqaýynda álemniń 19 elinen jınalǵan 9-14 jas aralyǵyndaǵy vokalshylar óner kórsetti.

2019 jyly qazaqstandyq Galbadrah Otgontsetseg Zagrebte (Horvatııa) dzıýdodan ótken Gran-prı týrnıriniń jeńimpazy atandy. Týrnır fınalynda ol 48 kelige deıingi salmaqta frantsııalyq Melanı Klemendi jeńdi. Galbadrah doda barysynda Katarına Tanzerdi (Aýstrııa), Io Hıongty (QHR) jáne Lı ıAnandy (QHR) utyp, fınalǵa shyqty.

2020 jyly Batys Qazaqstan oblysy Báıterek aýdany ıAnaıkıno aýylynda «Dombyra» arhıtektýralyq kompozıtsııasy ornatyldy. Dombyra – qazaqtyń ulttyq mádenıetin álemge tanytýdyń sımvoly. Árbir qazaq osy mýzykalyq aspapty ıgerýdi jáne ár úıdiń tórinde dombyranyń turýyn abyroı dep biledi.

2020 jyly Qazaqstanda «SOS Djeıran» jobasy iske qosyldy, ol eldiń ońtústiginde janýar túrlerin saqtaý jónindegi sharalardy kúsheıtýge kómektesedi.

Djeıran – qaraquıryq tektes, Qazaqstannyń Qyzyl kitabyna engen, Halyqaralyq Qyzyl tizimde «qaýip tóngen» (VU) mártebesi bar.


Basty sózder: Kúntizbe,
Joǵary qaraı