Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

28 qazaqstandyq shetelden koronavırýsqa PTR-anyqtamasyz ushyp keldi

2021 jyldyń 11 sáýir 2021 12:21

NUR-SULTAN. QazAqparat - 10 sáýirde Qazaqstan aýmaǵyna Germanııa, Úndistan, Maldıv Respýblıkasy, Birikken Arab Ámirlikteri, Mysyr, Túrkııa, Grýzııa, Ýkraına, Reseı, Belarýs, Ózbekstan jáne Qyrǵyzstan elderinen 35 halyqaralyq áýe reısi ushyp keldi, dep habarlaıdy QazAqparat.

QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetinen málim etkendeı, bir táýlikte elge 5287 jolaýshy ushyp kelgen. Onyń 5259-ynda koronavırýsqa PTR-testileýdiń teris nátıjesi bar anyqtama bolǵan. Qalǵan 28 adamnyń PTR-anyqtamasy joq, barlyǵy - QR azamattary.

Atap aıtqanda:

- Almaty qalasynyń áýejaıyna ushyp keldi – 18 reıs, 2 934 jolaýshy, anyqtamamen - 2924, anyqtamasyz - 10;

- Nur-Sultan qalasynyń áýejaıyna – 6 reıs, 831 jolaýshy, anyqtamamen - 818, anyqtamasyz - 13;

- Shymkent qalasynyń áýejaıyna – 6 reıs, 737 jolaýshy anyqtamamen kelgen;

- Aqtóbe qalasynyń áýejaıyna – 2 reıs, 361 jolaýshy, anyqtamamen - 359, anyqtamasyz - 2;

- Aqtaý qalasynyń áýejaıyna – 1 reıs, 147 jolaýshy anyqtamamen kelgen;

- Atyraý qalasynyń áýejaıyna – 1 reıs, barlyq 129 jolaýshy anyqtamamen kelgen;

- Túrkistan qalasynyń áýejaıyna – 1 reıs, 148 jolaýshy, anyqtamamen - 145, anyqtamasyz - 3.

«Anyqtamasy bolmaǵan Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde», - dedi komıtetten.

Sondaı-aq aqparatqa sáıkes, 9 sáýirde shetelden anyqtamasyz ushyp kelgen Qazaqstannyń 16 azamatynyń PTR-taldaý nátıjeleri daıyn bolǵan – jolaýshylardyń eshbirinde koronavırýs anyqtalǵan joq.

Joǵary qaraı