Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

28 qazan. QazAqparat kúntizbesi

2020 jyldyń 28 qazan 2020 07:00

NUR-SULTAN. QazAqparat - QazAqparat oqyrmandaryna 2020 jylǵy 28 qazanǵa arnalǵan kúntizbesin usynady.

ATAÝLY KÚNDER

Halyqaralyq anımatsııa kúni

1892 jylǵy 28 qazanda Parıjde Emıl Reıno kórermenderdi osy kúnge deıin eshkim kórmegen «optıkalyq teatr» kórinisine shaqyrdy. Onda talantty ónertapqysh kópshilikke alǵash ret óziniń praksınoskop apparatyn usyndy, ol qozǵalatyn kartınkalardy kórsetedi. Osy ataýly kúndi anımatsııa kınosy dáýiriniń bastalýy dep sanaıdy. Halyqaralyq anımatsııa kúni Anımatsııa kınosynyń halyqaralyq odaǵynda (ASIFA - The International Animated Film Association) 2003 jyly bekitilgen jáne qazir dúnıejúzinde atalyp ótedi.

ESTE QALAR OQIǴALAR

1953 jyly Іle Alataýynda alǵash ret ózen sý elektrstansasy paıdalanýǵa berildi. Ony iske qosqannan keıin Almaty sarqyramasynyń qýaty eki esege ósti.

1992 jyly QR Prezıdenti Nursultan Nazarbaevtyń Jarlyǵymen Qazaqstan Respýblıkasynyń Іshki áskeri quryldy.

1998 jyly skrıpkashy Aıman Musaqojaevaǵa ıÝNESKO-nyń sheshimimen «Álem ártisi» joǵary ataǵy berildi.

2005 jyly QR Memlekettik ortalyq mýzeıinde «Qyz Jibek» eposyna - 500 jyl» atty kórme ashyldy.

2005 jyly Jazýshylar úıiniń májilis zalynda Qytaı men Mońǵolııadan kelgen qandastarymyzdyń bastamasymen jaryqqa shyqqan «Ún» atty ádebı jýrnaldyń tanystyrylymy boldy. Muqabasynda Kók bóri men Aı beınelengen jýrnaldyń alǵashqy sanynda ádebıetke qatysty synı pikirler, jas aqyndar óleńi men jazýshylardyń áńgimeleri, álem ádebıetindegi ozyq týyndylardyń qazaqshaǵa tárjimalanǵan nusqalary jaryq kórgen.

2011 jyly QR Ulttyq banki nomınaly 500 teńge «Kóshpendiler altyny» serııasynan «Bulannyń basy» kúmis monetasyn aınalymǵa shyǵardy. Kúmis moneta - «Kóshpendiler altyny» serııasynyń segizinshi monetasy. Onyń dızaınyna Qazaqstan aýmaǵyndaǵy qazba jumystary barysynda tabylǵan altyn buıymdardyń beınesi paıdalanyldy. 925 synamaly, salmaǵy 31,1 gramm, dıametri - 38,61 mm, daıyndaý sapasy «proof», taralymy - 5 myń dana.

2012 jyly tanymal qazaq jazýshysy, ǵalym, túrkolog-ǵalym, akademık Nemat Kelimbetovtyń «Úmit úzgim kelmeıdi» povest-monology arab tiline aýdarylyp, Dýbaı Ámirliginiń mádenıet jáne ǵylym qaýymdastyǵynyń ǵımaratynda dýbaılyq aýdıtorııaǵa usynyldy.

«Úmit úzgim kelmeıdi» dep atalatyn hıkaıat-monologta aýyr naýqasqa shaldyǵyp, kóp jyldar boıy tósek tartyp jatqan múgedek jannyń ómirge degen sheksiz qushtarlyǵy, qaısarlyǵy, adamgershiligi, móldir mahabbaty sóz bolady.

2013 jyly Shymkentte «Qazmedprıbor» kásipornynda alǵashqy jergilikti rentgen apparaty shyǵaryldy. Atalmysh joba «Salamatty Qazaqstan» memlekettik baǵdarlamasy aıasynda iske asyrylyp, QRÚdemeli ındýstrıaldyq-ınnovatsııalyq damý boıynsha memlekettik baǵdarlamasynyń Óńirlik kartasyna engizildi.

2013 jyly qazaqstandyq alpınıst Andreı GýndarevAýstralııa men Okeanııanyń eń bıik shyńy Karstenz pıramıdasyn (4884 m) baǵyndyrdy. Shyń Papýa-Jańa gvıneıa aralynyń ındonezııalyq bóliginde ornalasqan. Ony «Pýnchak-Djaıa shyńy» dep te ataıdy. Indonezııa tilinen aýdarǵanda «Jeńis shyńy» degen maǵynany bildiredi. Karstenz pıramıdasyna shyǵý «7 shyi» baǵdarlamasyndaǵy eń kúrdeli belesterdiń biri bolyp sanalady.

2015 jyly Almatyda kórnekti qoǵam qaıratkeri Gerold Belgerge eskertkish ashyldy.Keńsaıda qoıylǵan eskertkishti Amangeldi Baıǵatorov basqarǵan shyǵarmashylyq top jasady.

2015 jyly Qazaqstannyń Túrkııadaǵy Elshiliginiń qatysýymen Súıinbaı Aronulynyń 200 jyldyq mereıtoıyna oraılastyrylyp túrik tilindegi aqyn shyǵarmalary toptastyrylǵan kitaptar jaryq kórdi. Oǵan túrik jáne basqa da aty áıgili qazirgi zamanǵy sheteldik poezııanyń ókilderiniń pikirleri engen.

2016 jyly Qazaqstan Respýblıkasynyń Ulttyq Banki nomınaldyq quny 100 teńge bolatyn neızılber qospasynan jasalǵan «Kórnekti oqıǵalar men adamdar» serııasynan «Hamıt Erǵalıǵa 100 jyl» eskertkish monetalaryn shyǵardy.

Hamıt Erǵalı – Qazaq KSR halyq jazýshysy, qazaq aqyny.

2016 jyly Qytaıda tarıhtaǵy alqashqy Qazaqstandaǵy saýda úıi paıda boldy. Ol Shanhaı erkin saýda aımaǵynda Lınhaı» korporatsııasynyń jaqyn arada ashylǵan azyq-túlik ortalyǵynyń aýmaǵynda ornalasty.


Basty sózder: Kúntizbe,
Joǵary qaraı