Aýa raıy
Astana -13 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

29 qarasha kúni Nur-Sultanda avtobýs júrmeıdi

2020 jyldyń 27 qarasha 2020 09:18

NUR-SULTAN. QazAqparat - 29 qarasha - jeksenbi kúni astanada qoǵamdyq kólik jumysy bir kúnge toqtaıdy, dep habarlaıdy QazAqparat.

Bul jóninde Sity Transportation Systems kólik kompanııasy málimet taratty.

«Bul kúni dezınfektsııa jumysy júrgiziledi. Nur-Sultan qalasy bas memlekettik sanıtar dárigeriniń qaýlysyna sáıkes, qoǵamdyq kólik jumys kúnderi jáne senbi kúnderi saǵat 6:00-den 23:00-ge deıin júrip, jeksenbi kúni toqtaıdy. Dúısenbi, 30 qarashadan bastap avtobýstar qalypty kestesine sáıkes qaıtadan qatynaıdy» delingen habarlamada.

Kompanııa qala turǵyndaryn sanıtarlyq normalardy saqtaýǵa shaqyrady.

Avtobýsqa betperdesiz kirýge tyıym salynǵan.

Jol aqysy tek qolma-qol aqshasyz tólenedi.


Joǵary qaraı