Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

29 qazan. QazAqparat kúntizbesi

2020 jyldyń 29 qazan 2020 07:00

NUR-SULTAN. QazAqparat - QazAqparat óz oqyrmandaryna 2020 jylǵy 29 qazanǵa arnalǵan kúntizbesin usynady.

ATAÝLY KÚNDER

Qazaqstandaǵy kúzet uıymdary qyzmetkerleriniń kúni

Resmı kásibı mereke Qazaqstannyń merekeler kúntizbesinde 2017 jyly paıda boldy jáne alǵash ret 2018 jylǵy 29 qazanda atap ótildi. Ony ishki ister organdarynyń mamandandyrylǵan kúzet bólimsheleriniń barlyq qyzmetkerleri jáne jeke kúzet uıymdarynyń qyzmetkerleri atap ótedi.

Túrkııa Respýblıkasynyń Ulttyq meıramy - Respýblıka jarııalanǵan kúni

1923 jyly osy kúni Túrkııa Respýblıka bolyp jarııalandy. 1920 jyly 23 sáýirde grek-túrik soǵysy kezinde qurylǵan Uly ulttyq jınalys Túrkııany Respýblıka retinde jarııalaǵan bolatyn. Alaıda, Túrkııa Respýblıkasy 1923 jylǵa deıin resmı túrde moıyndalǵan joq.

Dúnıejúzilik ınsýltpen kúres kúni

Dúnıejúzilik ınsýltpen kúres aıasynda ótkizilgen sharalar men naýqandardyń negizgi mindeti - ınsýlt problemasy týraly málimetterdi arttyrý, alǵashqy kómekti durys jáne ýaqtyly kórsetý mańyzdylyǵy. Ýaqtyly kórsetilgen kómek adam ómirin saqtap qana qoımaı, múgedektiktiń aldyn alýǵa septigin tıgizedi.

Dúnıejúzilik psorıaz kúni

Osy kúndi atap ótýge bastamashy bolǵan Halyqaralyq psorıaz qaýymdastyqtarynyń federatsııasy. Bul kún psorıaz nemese psorıattyq artrıt aýrýyna shaldyqqan adamdarǵa arnalyp, turǵyndardyń ol problema týraly bilýine baǵyttalǵan.

OQIǴALAR

1949 jyly Óskemen qalasynda Úlbi metallýrgııa zaýyty quryldy. Búginde ol «Qazatomónerkásip» ulttyq kompanııasynyń quramynda basty kásiporyn retinde atom stansalary úshin ıadrolyq otyn óndiredi, berıllıı, tantal, osy metaldar men olardyń qosyndylarynan ondaǵan buıym shyǵarady.

1996 jyly Pákistan Islam Respýblıkasynyń prezıdenti Sardar Farýh Ahmed Han Legarı alǵash ret resmı saparmen Qazaqstanǵa keldi. Sapar barysynda ekijaqty baılanystardyń perspektıvalary týraly Qazaqstan-Pákistan birlesken málimdemesine qol qoıyldy. Pákistan prezıdenti ekijaqty qarym-qatynastardyń jaǵdaıy jaıly aıta kele, Ortalyq Azııadaǵy Pákistannyń birinshi elshiligi Almatyda ashylǵanyn erekshe atap ótti.

1999 jyly Almaty qalasyndaǵy Qazaqstan Ǵylym akademııasy ǵımaratynyń janynda orystyń uly aqyny Aleksandr Pýshkınge arnalǵan eskertkish ornatyldy. Qola eskertkish almatylyq zaýyttardyń birinde quıylǵan, aqyn esimimen atalǵan kóshede qoıyldy. Jobanyń avtorlary - músinshi Anatolıı Bıchýkov, sáýletshiler Toqtar Eralıev pen Anatolıı Anchýgov.

2010 jyly Taldyqorǵanda «Mádenı mura» prezıdenttik baǵdarlamasyn júzege asyrý aıasynda halyq aqyny Súıinbaı Aronulyna eskertkish ashyldy. Bıiktigi shamamen on metr bolatyn monýment taza qoladan quıylǵan, avtorlary - tanymal qazaqstandyq sáýletshi Qazbek Jarylǵapov pen músinshi Merlan Ázmaǵambetov.

2010 jyly beligili tarıhshy, arheolog jáne etnograf, akademık Álkeı Marǵulannyń jeke muraǵatyn ǵalymnyń qyzy Dánel Marǵulan Pavlodar memlekettik ýnıversıtetine syıǵa tartty. Akademıktiń qoryndaǵy kóptegen materıaldar áli jaryq kórmegen, olardy ýnıversıtet ǵalymdary zertteýge kirispek

2013 jyly QR Ulttyq banki nomınaly 100 teńgelik «Bokstan álem chempıonaty. Almaty-2013» atty estelik kúmis monetasyn aınalymǵa shyǵardy.

2015 jyly Aqtóbede múkisi bar azamattarǵa arnalǵan Qazaqstandaǵy alǵashqy vıdeodıspetcher qyzmeti ashyldy. Onyń jumysynyń máni bylaı: sóıleı almaıtyn ári múkis adamdar kez kelgen qoǵamdyq orynda tildesýden qıyndyq týǵanda noýtbýk nemese basqa bir gadjetten Skype arqyly jest tilin biletin dıspetcherge habarlasyp, ne qalaıtynyn sol arqyly aınalasyndaǵylarǵa jetkize alady.

2015 jyly Sıan qalasyndaǵy Qytaıdyń tarıhı besiginde ornalasqan Shansı provıntsııasyndaǵy tarıhı qundylyqtardy qorǵaý jónindegi zertteý ınstıtýtynda Qazaqstan Respýblıkasy men Qytaı Halyq Respýblıkasy Mádenıet mınıstrlikteri arasynda tarıh jáne mádenıet eskertkishterin saqtaý, qalpyna keltirý, konservatsııalaý salasyndaǵy yntymaqtastyq týraly Memorandýmǵa qol qoıyldy.

2016 jyly Ýfada ІІІ Halyqaralyq «Kúmis Aqbozat» ulttyq jáne etnıkalyq kıno festıvali aıasynda Dosqan Joljaqsynovtyń (Qazaqstan) «Qunanbaı» fılmi Amır Abdrazakov atyndaǵy «Ulttyq rýh úshin» syılyǵyna ıe boldy.

2016 jyly Astanadaǵy Reseı ǵylym jáne mádenıet ortalyǵynda «Musa Jálel. Tańdamaly» atty óleńder jınaǵynyń tusaýkeseri bolyp ótti. Bul jınaqta alǵash ret óleńderdiń qazaqsha aýdarmasy usynylǵan. Biregeı basylymǵa «Moabıt dápteri» atty álemge tanymal tsıkldiń tatar, orys jáne qazaq tilderinde 14 týyndysy kirgen. Qazaq tiline Qazaqstan Jýrnalıster Odaǵynyń múshesi Murat Ábdirahmanov (1938-2015) tárjimalaǵan.

2018 jyly energetıka salasyndaǵy Qazaqstan-Rýmynııa ınvestıtsııalyq qory quryldy. Qordyń qyzmeti jergilikti energetıka salasyn damytýǵa arnalǵan jobalardy isker asyrýǵa, Rýmynııa naryǵyndaǵy KMGI pozıtsııalaryn odan ári nyǵaıtýǵa baǵyttalǵan.


Basty sózder: Kúntizbe,
Joǵary qaraı