Aýa raıy
Astana 10 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

29 qyrkúıekke arnalǵan aýa raıy boljamy

2020 jyldyń 29 qyrkúıek 2020 00:45

NUR-SULTAN. QazAqparat - «Qazgıdromet» RMK mamandary 29 qyrkúıek kúni Qazaqstan aýmaǵynda aýa raıy qandaı bolatynyn jarııalady, dep habarlaıdy QazAqparat.

Respýblıkanyń soltústik, shyǵys jáne ortalyǵynda atmosferalyq fronttardyń áserinen turaqsyz aýa raıy saqtalyp, jańbyr jaýady.

Qazaqstan aýmaǵynyń qalǵan bóliginde kún ashyq bolady. Respýblıka boıynsha keı jerlerde tuman túsip, jel kúsheıedi, ońtústikte shańdy daýyl soǵady.

Túrkistan, Qyzylorda oblystarynyń keı jerlerinde jel jyldamdyǵy 15-23 m/s jetip, shańdy daýyl turady.

Aqmola, Pavlodar, Jambyl, Soltústik Qazaqstan, Qaraǵandy, Shyǵys Qazaqstan oblystarynyń keı jerlerinde tuman túsedi, jel qarqyny 15-20 m/s deıin kúsheıedi.

Qostanaı oblysynyń keı jerlerinde tuman túsedi.

Qyzylorda, Jambyl, Almaty, Qaraǵandy oblystarynyń keı jerlerinde 1-3 gradýs úsik júredi.

Qyzylorda, Túrkistan, Jambyl oblystarynyń basym bóliginde, Qaraǵandy, Aqtóbe oblystarynyń keı jerlerinde tótenshe órt qaýpi saqtalady.


Basty sózder: Aýa raıy, Qazgıdromet,
Joǵary qaraı