Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

29 jeltoqsannan bastap Reseıge baratyn qazaqstandyqtar úshin tártip ózgeredi

2021 jyldyń 25 qarasha 2021 07:34

NUR-SULTAN. QazAqparat - 2021 jyldyń 29 jeltoqsanynan bastap Reseıge 90 kúnnen astam merzimge keletin Qazaqstan azamattary reseılik medıtsınalyq mekemelerde nashaqorlyq pen juqpaly aýrýlardyń, onyń ishinde AITV ınfektsııasynyń joqtyǵyn rastaýy kerek. Bul týraly QazAqparat Qazaqstannyń Reseıdegi Elshiligine silteme jasap habarlaıdy.

Anyqtamalardy ІІM aýmaqtyq organdaryna tapsyrý qajet. Kámeletke tolmaǵan nemese áreketke qabiletsiz azamattardyń qujattaryn onyń ata-anasynyń, qorǵanshylarynyń nemese qamqorshylarynyń biri (6 jasqa deıingi balalarǵa qoldanylmaıdy) usyna alady.

Sondaı-aq, qazaqstandyqtarǵa mindetti memlekettik daktıloskopııalyq tirkeýden jáne sýretke túsirýden ótý qajet, odan keıin ІІM aýmaqtyq organdary olarǵa tıisti qujat beredi.

Nazar aýdaryńyz! Eńbek qyzmeti maqsatynda Reseıge kelgen jaǵdaıda, joǵaryda kórsetilgen rásimder kelgen kúnnen bastap 30 kún ishinde, basqa maqsattarda – 90 kún ishinde ótýi kerek.

Medıtsınalyq anyqtamalardyń qoldanylý merzimi aıaqtalǵannan keıin qazaqstandyqtar 30 kún ishinde medıtsınalyq kýálandyrýdan qaıta ótýge jáne jańa qujattardy ІІM aýmaqtyq organyna nemese memlekettik jáne jergilikti qyzmetterdiń biryńǵaı portalyn paıdalana otyryp, elektrondyq qujat nysanynda ne vedomstvolyq baǵynysty kásiporyn nemese ýákiletti uıym arqyly usynýǵa mindetti.

Joǵaryda atalǵan talaptar oryndalmasa, Reseıde bolý merzimi qysqartylýy múmkin.

Qujattyń tolyq mátinimen silteme arqyly ótip, tanysýǵa bolady.


Joǵary qaraı