Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

29 jyl buryn Qazaqstan Birikken Ulttar Uıymyna múshe boldy

2021 jyldyń 2 naýryz 2021 11:18

NUR-SULTAN. QazAqparat - 1992 jyldyń 2 naýryzy Qazaqstan táýelsizdigin dúnıejúzilik qoǵamdastyq moıyndaǵan el tarıhyndaǵy mańyzdy oqıǵaǵa toly kún. 29 jyl buryn Qazaqstan Birikken Ulttar Uıymyna 168-shi múshe-memleket atandy, dep habarlaıdy QR SІM baspasóz qyzmeti.

1945 jyly qurylǵan BUU 76 jyl ótse de búginde balamasyz ámbebap jahandyq uıym bolyp qala beredi jáne búkil adamzattyń múddesi men qajettiligine aıanbaı qyzmet etip keledi.

Táýelsizdik alǵan kezden beri Qazaqstan BUU-men tabysty ekijaqty áriptestik ornatyp, Uıym Jarǵysynyń maqsattary men qaǵıdattaryn tolyq ustanatynyn kórsetti. BUU-men tıimdi yntymaqtastyqtyń qalyptasýyna joǵary deńgeıdegi kóptegen baılanystar yqpal etti. 1992 jyldan beri Qazaqstan Respýblıkasynyń Prezıdenti Uıymnyń Nıý-Iorktegi shtab-páterine 11 ret baryp, Bas Assambleıanyń joǵary deńgeıdegi jalpysaıası debattarynda 9 ret sóz sóıledi. BUU Bas hatshylary Kofı Annan, Pan Gı Mýn jáne Antonıý Gýtterısh elimizge birneshe ret resmı saparmen keldi. QR Prezıdenti Qasym-Jomart Toqaev 2011-2013 jyldary BUU Bas hatshysynyń orynbasary – BUU-nyń Jenevadaǵy bólimshesiniń Bas dırektory qyzmetin atqardy.

Ár jyldary BUU-nyń minberinen Elbasy Nursultan Nazarbaev pen Prezıdent Qasym-Jomart Toqaev jarııalaǵan Qazaqstannyń negizgi halyqaralyq bastamalarynyń qataryna Azııadaǵy ózara is-qımyl jáne senim sharalary jónindegi keńesti shaqyrý, BUU-nyń Ortalyq Azııa ekonomıkasy úshin arnaıy baǵdarlamasyn qurý, 29 tamyzdy Halyqaralyq ıadrolyq synaqtarǵa qarsy is-qımyl kúni dep jarııalaý, Bıologııalyq qaýipsizdik jónindegi halyqaralyq agenttikti qurý jáne t.b jatady.




Uıymdaǵy músheligimizdiń sharyqtaý shegi - Qazaqstannyń 2017-2018 jyldar aralyǵynda Ortalyq Azııada birinshi bolyp BUU Qaýipsizdik Keńesiniń turaqty emes múshesine saılanýy boldy. Beıbitshilik pen qaýipsizdikti qamtamasyz etetin negizgi organǵa múshe bolý Qazaqstannyń halyqaralyq qaýymdastyqtaǵy belsendi jáne jaýapty seriktes retindegi bedelin nyǵaıtýǵa múmkindik berdi.

Qazaqstannyń BUU-men ekijaqty qarym-qatynasy tek álemdik jáne aımaqtyq deńgeımen ǵana shektelmeı, elimizde de qarqyndy damyp keledi. QR Úkimetiniń BUU-men yntymaqtastyǵy 2021-2025 jyldarǵa arnalǵan turaqty damý jónindegi yntymaqtastyqtyń Negizdemelik baǵdarlamasy sheńberinde júzege asady. Ol úsh baǵyttaǵy jumysty qamtıdy: adamı damý jáne teń qatysý; tıimdi ınstıtýttar, adam quqyqtary jáne genderlik teńdik; turaqty qorshaǵan orta jáne ınklıýzıvti ekonomıkalyq damý.

Qazirgi ýaqytta Qazaqstanda Uıym júıesiniń 23 qurylymy jumys isteıdi.

2019 jyldyń 1 mamyrynda QR Prezıdentiniń qatysýymen Almatyda BUU júıesiniń 16 uıymy ornalasqan halyqaralyq uıymdardyń jańa ǵımaraty ashyldy.














Joǵary qaraı