Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

3 myńǵa jýyq astanalyq jas sportpen tegin aınalysýda

2021 jyldyń 20 qyrkúıek 2021 18:52

NUR-SULTAN. QazAqparat – Nur-Sultan qalasynda 3 myńǵa jýyq jas túrli sporttyq sektsııalar men úıirmelerge tegin qatysyp jatyr. Bul týraly Nur-Sultan qalasy ákimdigi «Astana jastary» ortalyǵy basshysynyń orynbasary Aıan Ermentaev málim etti, dep habarlaıdy QazAqparat tilshisi.

«Bizdiń ortalyqqa jastar túrli máseleler boıynsha júginedi. Sonyń biri sporttyq sektsııalar men úıirmeler. Sportpen aınalysamyn degen jastarǵa búginde elordada «Aýla klýbtary» degen joba bar. Onyń aıasynda qazirgi 3 myńǵa jýyq jas sportpen tegin aınalysyp jatyr. Onyń qatarynda boks, fýtbol, karate jáne taǵy basqa sport túrleri bar. Odan bólek, bizdiń ortalyq mamandary jastarǵa zańgerlik jáne psıhologııalyq kómek, qoldaý kórsetedi. Atalǵan qyzmetter boıynsha jastarǵa qoldaý kórsetý tegin jáne ol onlaın, offlaın formatta júredi. Odan bólek, biz ortalyq qaladaǵy barlyq arnaý orta bilim bereý jáne joǵary oqý oryndarymen tyǵyz baılanysta. Osy oraıda biz talapkerlerge oqý ornyna túsý boıynsha da tıisti keńes bere alamyz», - dedi A. Ermentaev.

Buǵan deıin habarlaǵanymyzdaı, bıyl jyl sońyna deıin elordada jastarǵa arnalǵan 3 ortalyq iske qosylady.

Odan bólek, «Astana jastary» ortalyǵynyń ókili Nur-Sultan qalasynda alǵash ret ashylǵan jastarǵa arnalǵan qyzmet kórsetý ortalyǵynyń jumysymen tanystyrǵan edi.




Avtor Álı Ibraev
Basty sózder: Jastar, Sport, Nur-Sultan,
Joǵary qaraı