Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

3 tamyz. Týǵan kún ıeleri

2020 jyldyń 3 tamyz 2020 08:02

NUR-SULTAN. QazAqparat – QazAqparat 3 tamyzǵa arnalǵan «Týǵan kún ıeleri» kúntizbesin usynady.

ESІMDER




45 jyl buryn (1974) saıası jáne qoǵam qaıratkeri, saıasatker, pýblıtsıst, baspager Dosym Asylbekuly SÁTPAEV dúnıege keldi.

Abaı atyndaǵy Almaty memlekettik ýnıversıtetin saıasattanýshy, saıasattaný oqytýshysy mamandyǵy boıynsha bitirgen.

Eńbek joly: «Saıasattaný zertteýleriniń ortalyǵy» úkimettik emes stýdentter uıymynyń vıtse-prezıdenti (1993-1996); «Delovaıa nedelıa» gazetinde saıası sholýshy (1995-1997); Qazaqstan damý ınstıtýty saıası zertteýler ortalyǵynyń ǵylymı qyzmetkeri, «Saıasat» ǵylymı-saraptamalyq jýrnalynyń jaýapty redaktory (1997-2000); «Novoe pokolenıe» gazetinde saıası sholýshy (1998-2005); Brıtan ınstıtýtynyń Qazaqstandaǵy ókildiginiń dırektory (2000-2003); Ortalyq Azııa saıası zertteýler agenttigi dırektorynyń orynbasary (2000-2002); Qoǵamdyq máselelerdi taldaý ortalyǵynyń jalpy máseleler jónindegi dırektory (2001-2002); «Soros-Qazaqstan» qory basqarma múshesi (2005-2010). «Táýekelderdi baǵalaý toby» saraptamalyq, konsaltıngtik uıymynyń (KRAG) quryltaıshysy jáne dırektory (2002 jyldan bastap).




40 jyl buryn (1980) Túrkistan oblysy Arys qalasynyń ákimi Murat Bolatuly QADYRBEK dúnıege keldi.

Ońtústik Qazaqstan oblysynda týǵan. E.A.Bóketov atyndaǵy Qaraǵandy memlekettik ýnıversıtetin «zańger» mamandyǵy boıynsha,QR Prezıdenti janyndaǵy Memlekettik basqarý akademııasyn bitirgen.

Eńbek jolyn 2002-2004 jyldary – Qaraǵandy qalasy Qazybek bı aýdanynyń prokýratýrasynyń bólim prokýrory. 2004-2008 jyldary – Qazybek bı aýdany prokýrorynyń kómekshisi, Shyǵys-Qazaqstan oblysy №2 Tarbaǵataı aýdandyq sotynyń sýdıasy. 2008-2011 jyldary – Qazaqstan Respýblıkasy Qorshaǵan ortany qorǵaý mınıstrliginde bıýdjettik josparlaý, qarjy-ekonomıkalyq qamtamasyz etý jáne memlekettik aktıvterdi basqarý, ekonomıka jáne qarjy departamentteri dırektorynyń orynbasary, Almaty oblysy Eńbekshiqazaq aýdany ákiminiń orynbasary. 2011-2016 jyldary – Qazaqstan Respýblıkasy Memlekettik qyzmet isteri agenttiginiń Memlekettik qyzmetti kadrlyq qamtamasyz etý departamenti dırektorynyń orynbasary, Almaty oblysy boıynsha departament basshysynyń orynbasary, Soltústik-Qazaqstan jáne Mańǵystaý oblysy boıynsha departamentteriniń basshysy - tártiptik keńes tóraǵasy.

2016 jyldyń qańtar aıynan bastap qyrkúıek aıyna deıin Qazaqstan Respýblıkasy Memlekettik qyzmet isteri mınıstrligi Mańǵystaý oblysy boıynsha departamentiniń basshysy – ádep jónindegi keńes tóraǵasy laýazymyn atqarǵan.

Qazirgi qyzmetinde 2016 jyldyń qyrkúıek aıynan bastap.


Basty sózder: Kúntizbe,
Joǵary qaraı