Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

3 jylda jyldyq qýaty 191 myń tonna bolatyn 11 qus fabrıkasy salynady

2021 jyldyń 2 naýryz 2021 09:20

NUR-SULTAN. QazAqparat – Aldaǵy úsh jylda jalpy qýaty 191 myń tonna bolatyn 11 qus fabrıkasyn paıdalanýǵa beriledi. Bul týraly Úkimet otyrysynda QR Aýyl sharýashylyǵy mınıstri Saparhan Omarov aıtty, dep habarlaıdy QazAqparat tilshisi.

«Qazir ózimizde óndiriletin qus etiniń kólemi ishki naryq qajettiliginiń 58 paıyzyn ǵana jabady. Tolyqtaı molyqtyrý úshin qus etin óndirý qýatyn qosymsha 171 myń tonnaǵa arttyrý qajet. Ótken jyldyń ózinde qýaty 94 myń tonna bolatyn 8 qus fabrıkasy iske qosyldy. Aldaǵy úsh jylda jalpy qýaty 191 myń tonna bolatyn 11 qus fabrıkasyn paıdalanýǵa berý josparlanýda. Bul jobalardy úsh jyl ishinde iske qosý qus eti boıynsha qajettilikti tolyq kólemde óteýge múmkindik beredi», - dedi agroónerkásiptik keshendi damytýdyń negizgi baǵyttary jáne ınvestıtsııalyq jobalardyń iske asyrylýy týraly baıandaǵan mınıstr.

Sonymen qatar ol ishki naryq otanymyzda óndiriletin shujyq ónimimen 62 paıyzǵa qamtamasyz etilgenin aıtty.

«Tolyqtaı molyqtyrý qýaty 77,8 myń tonna bolatyn 6 et kombınatyn iske qosý esebinen, sondaı-aq aınalym maqsattaryna arnalǵan qarjylandyrý jáne fermerlerdi maldy soıýǵa, ótkizýge yntalandyrý esebinen qamtamasyz etiletin bolady»,- dedi Saparhan Omarov.


Joǵary qaraı