Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

30 aýyl mektebine shaǵyn grant beriledi

2021 jyldyń 28 shilde 2021 13:46

NUR-SULTAN. QazAqparat – «Qoǵamdyq mańyzy bar bastamalardy damytý qory» demeýshilerdiń qoldaýymen eldegi 30 aýyl mektebine áleýmettik grant bermekshi, dep habarlaıdy QazAqparat tilshisi.

«Qoǵamdyq mańyzy bar bastamalardy damytý qory» jeke qorynyń tóraǵasy Ermek Májıtov ortalyq kommýnıkatsııalar qyzmetinde osyndaı aqparat berdi.

«Bıyl biz «Qazaqstan muǵalimi» jobasy men «Bolashaq muǵalimi» jobasyn biriktirdik. Osylaısha eldegi 10 joǵary oqý ornymen jumys isteı otyryp, keler jyly dıplom alyp, muǵalimdik kásibin bastaıtyn 100 úzdik túlekti anyqtadyq. Jobaǵa «Bolashaq muǵalimi» degen ataý berip otyrmyz. Osylaısha pedagog mamandardy daıyndaıtyn 10 joǵary oqý ornynan 10 úzdik stýdentti da syılyqtyń marapattaý sharasyna shaqyrylady», - dedi qordyń dırektory.

Sondaı-aq, ol bıyldan bastap «Samruk-Kazyna Trust» kompanııasy «Qoǵamdyq mańyzy bar bastamalardy damytý qory» bas seriktesi bolyp bekitilgenin eske saldy.

«Azamattardyń qoldaý ortalyǵynyń» qoldaýymen bıyl konýkýrsqa qatysýshylar arasynda 30 aýyl mektebi 1 mln teńge kólemindegi shaǵyn grant alady. Ásirese áleýmettik jobalardy iske asyratyn aýyl mektepterine basymdyq beriledi. Mysaly, mektep kitaphana qoryn jańartqysy kelse nemese aýmaǵyn abattandyrǵysy kelse, synypty jańa qondyrǵymen jabdyqtaǵysy kelse, grant konkýrsyna qatysa alady.

Muǵalimderdi osy jobaǵa barynsha belsendi qatysýǵa shaqyramyz. Biz osy qoldaýdyń nátıjesinde bizdiń ustazdar álemniń úzdik 50 muǵaliminiń qataryna kirse dep maqsat qoıyp otyrmyz. Odan da sátti bolyp jatsa, alǵashqy ondyqtan kórinip, tipti «Álemniń úzdik muǵalimi» atanǵanyn kórgimiz keledi», - degen Ermek Májıtov kúnderdiń kúnin «Álem muǵalimi» halyqaralyq konkýrsyn Qazaqstanda ótkizý josparda bar ekenin aıtyp qaldy.

«Bul syılyqtyń marapattaý sharasyna metsenattar men fılantroptar qatysyp, bilim berý forýmy ótedi. Konkýrs alańy mamandar pikir almasatyn ǵalamdyq aýqymdaǵy úlken alańǵa aınalady», - dedi ol sóz sońynda.


Avtor Esimjan Naqtybaı
Basty sózder: Bilim, Qoǵam,
Joǵary qaraı